ශ්රී ලංකා පොදුජන පෙරමුණේ අම්පාර දිස්ත්රික්කයේ පදියතලාව ආසනයේ පාර්ලිමේන්තු මන්ත්රී වෛද්ය තිලක් රාජපක්ෂ විපක්ෂ නායක සජිත් ප්රේමදාසට සහාය පළ කිරීමේ අරමුණින් සමගි ජන බලවේගය හා එක් වී තිබෙනවා.
ඒ, විපක්ෂ නායක සජිත් ප්රේමදාස විසින් ක්රියාත්මක සක්වල සුහුරු පන්ති කාමර ලබා දීමේ වැඩසටහනේ 218 වැනි අදියර යටතේ අම්පාර දෙහිඅත්තකණ්ඩිය සඳුන්පුර ජාතික පාසලට රුපියල් 1,177,000 වටිනා සුහුරු පන්ති කාමරයක් පරිත්යාග කිරීමේ අවස්ථාවට එක්වෙමින්.
1971 මැයි මස 2 වැනිදා මෙළොව උපත ලැබූ ඔහු සිය උසස් අධ්යාපනයෙන් අනතුරුව ශ්රී ලංකා යුද හමුදා වෛද්ය බලකායේ සේවය කර ඇති අතර, ඔහු අඹගහවැල්ල ප්රාදේශීය රෝහලේ සහ අම්පාර සෞඛ්ය නිලධාරී කාර්යාලයේ ප්රධානියා සහ අම්පාර ප්රාදේශීය සෞඛ්ය සේවා කාර්යාලයේ අධ්යක්ෂවරයා ලෙස ද සේවය කර තිබෙනවා.