වැලිකඩ බන්ධනාගාරගතව සිටින මහා පරිමාණ මත්කුඩු ජාවාරම්කරුවෙක් වූ වසන්ත කුමාර නැමැත්තාගේ මත්කුඩු ජාවාරම මෙහෙයවමින් එහි මූල්ය කටයුතු පරිපාලනය කළ තැනැත්තා ඊයේ(25) ගම්පහ, ඉඳිගොල්ලේ ප්රදේශයේ දී මත්කුඩු සමඟ වලාන දූෂණ මර්ධන ප්රහාරක බලඇණිය මඟින් අත්අඩංගුවට ගෙන තිබෙනවා.
නිශාන්ත ප්රියදර්ශන නොහොත් ‘අයියා’ නැමැති 45 හැවිරිදි මෙම සැකකරුව අත්අඩංගුවට ගෙන ඇත්තේ ව්යාපාරිකයෙකු ලෙස පෙනීසිටිමින් ගම්පහ, ඉඳිගොල්ලේ පිහිටි සුවිසල් නිවසක රුපියල් ලක්ෂයක මාසික කුලියකට එම නිවසේ ප්දිංචිව සිටියදීයි බවයි පොලිසිය සඳහන් කළේ.
මෙම සැකකරු ගැන තොරතුරු හෙළිවී ඇත්තේ පසුගිය මාර්තු 17 වෙනිදා හංවැල්ල හා හෝමාගම ආශ්රිතව කළ වැටලීම් දෙකකදී රුපියල් කෝටි 03කට අධික වටිනාකමක් ඇති හෙරොයින් කිලෝ 01යි ග්රෑම් 12ක් සමඟ අත්අඩංගුවටගත් සැකකරුවන් දෙදෙනා සම්බන්ධයෙන් සහ එම මත්කුඩු ජාලය ගැන කළ ප්රශ්න කිරීම්වලදීය.
අත්අඩංගුවට ගන්නා අවස්ථාවේදී සැකකරු සතුව තිබූ නවීන පන්නයේ ටොයොටා ඇක්සියෝ මෝටර් රථයක්, ජාවාරම සඳහා යොදාගත් දුරකථන 08ක්, සිම්පත් 10ක්, බැංකු කාඩ්පත් 07ක්, බැංකු පොත් 03ක් සමඟ හොරොයින් මිලි ග්රෑම් 6430ක්ද පොලිස් භාරයට ගෙන තිබෙනවා.
මෙම අපරාධකරු මින් පෙර විදේශ රැකියා ලබා දෙන බවට පුද්ගලයින් රවටා මුදල් වංචා කිරිම පිළිබඳ නඩු 187ක් සඳහා අධිකරණයෙන් වරදකරු වී ලබා දුන් වසර 60ක සිරදඬුවම වසර 10කින් ගෙවා දමා පැමිණි අයෙකි.