ශ්‍රී ලංකා නිදහස් පක්ෂයේ වැඩබලන මහ ලේකම්වරයා ලෙස දුමින්ද දිසානායක අද සිය ධුරයේ වැඩබාර ගත්තා.
ඒ කොළඹ ඩාර්ලි පාරේ පිහිටි ශ්‍රී ලංකා නිදහස් පක්ෂ මූලස්ථානයේදීයි.
ශ්‍රී ලංකා නිදහස් පක්ෂයේ දේශපාලන මණ්ඩල රැස්වීමක් එම පක්ෂයේ වැඩබලන සභාපති නිමල් සිරිපාල ද සිල්වාගේ පාර්ශ්වයේ සහභාගීත්වයෙන් පසුගිය 25වැනිදා පැවැත්වුණ අතර එහිදී ශ්‍රී ලංකා නිදහස් පක්ෂයේ වැඩබලන මහ ලේකම්වරයා ලෙස දුමින්ද දිසානායක මහතා පත් කරගැනීමට එම
දේශපාලන මණ්ඩලය තීරණය කළා.
ඒ අනුව ශ්‍රී ලංකා නිදහස් පක්ෂයේ වැඩබලන මහ ලේකම්වරයා ලෙස දුමින්ද දිසානායක මහතා අද සිය ධුරයේ වැඩ භාරගත්තා.
ඒ කොළඹ පිහිටි ශ්‍රී ලංකා නිදහස් පක්ෂ මූලස්ථානයේදි
මේ අතර ශ්‍රී ලංකා නිදහස් පක්ෂයේ වත්මන් අර්බුදකාරී තත්ත්වය සම්බන්ධයෙන් අධිකරණ අමාත්‍ය විජයදාස රාජපක්ෂ හිරු සලකුණ දේශපාලන සංවාදාත්මක වැඩසටහනේදී අදහස් පළ කළා.
