වෑන් රථයක රියැදුරුට ඇති වූ හෘදයාබාධයක් හේතුවෙන් මාරක අනතුරක් සිදුව තිබෙනවා.
කොට්ටාව, මත්තේගොඩ මාර්ගයේ ධාවනය වෙමින් තිබූ වෑන් රථයක රියැදුරුවරයෙකුටයි මෙසේ හෘදයාබාධය ඇතිව තිබෙන්නේ.
මෙම රියැදුරු පැදවූ වෑන් රථය ප්‍රාඩ්‍රෝ ජීප් රථයක, වෑන් රථයක හා ලොරි රථයක ගැටී මෙම අනතුර සිදුව තිබෙනවා.
එම අනතුරින් හෘදයාබාධය සෑදුණු වෑන් රථයේ රියැදුරු ජීවිතක්ෂයට පත් වූ බවයි පිලියන්දල පොලිසිය පවසන්නේ.
මෙසේ මියගොස් ඇත්තේ පන්නිපිටිය ප්‍රදේශයේ පදිංචි අවුරුදු 66ක ව්‍යාපාරිකයෙක්.
ඔහු ව්‍යාපාරිකයා දෛනික සේවා කටයුතු නිමවා කොට්ටාව, මත්තේගොඩ මාර්ගය ඔස්සේ මත්තේගොඩ දෙසට යමින් සිටියදී පින්හේන හන්දිය ආසන්නයේදී මෙම අනතුර සිදුව තිබෙනවා.
එම අනතුරින් අනෙක් වාහන පැදවූ රියැදුරන් තිදෙනාට කිසිදු හානියක් සිදු නොවූ බවත් වාහනවලට බරපතල හානි සිදුව ඇති බවයි වැඩිදුරටත් වාර්තා වෙන්නේ.
