මදුරන්කුලිය – මුක්කුතොඩුවාව ප්‍රදේශයේ පවත්වාගෙන යනු ලැබූ රෝග සුව කරන මධ්‍යස්ථානයකට ප්‍රතිකාර සඳහා ගිය කාන්තාවක් හදිසියේ ඇති වූ රෝගී තත්ත්වයක් හේතුවෙන් ඊයේ ජිවිතක්ෂයට පත් වුණා.
මෙලෙස මියගොස් තිබුණේ මුන්දලම – විල්පොත ප්‍රදේශයේ පදිංචි 58 හැවිරිදි දෙදරු මවක්.
ඇය දීර්ඝ කාලක සිට මැදපෙරදිග ගෘහ සේවයේ යෙදී සිට පසුගියදා දිවයිනට පැමිණ ඇති අතර පසුව ඇති වූ මානසික ව්‍යාකූල තත්ත්වයකට ප්‍රතිකාර ලබා ගැනීමට මෙම කාන්තාව මෙම මධ්‍යස්ථානයට ගොස් තිබෙනවා.
එහිදී ඇයට ජලය වැඩි ප්‍රමාණයක් පානය කිරීමට ලබාදී ඇති අතර එම අවස්ථාවේදී ඇති වූ රෝගී තත්ත්වයක් හේතුවෙනුයි පුත්තලම රෝහලට ඇතුලත් කර ඇත්තේ. එහිදී ඇය මියගොස් ඇති අතර දේහය පිළිබඳ පශ්චාත් මරණ පරීක්ෂණය අද සිදු කිරීමට නියමිතයි.
