සී ෂෙල්ස්හි නව නීතිපතිවරයා ලෙස ශ්‍රී ලාංකිකයෙකු වන වින්සන්ට් පෙරේරා දිවුරුම් දී තිබෙනවා.
ශ්‍රී ලංකාවේ උපන් නීතීඥ වින්සන්ට් පෙරේරා ඊයේ (16) රාජ්‍ය මන්දිරයේදී එම ධුරයෙහි දිවුරුම් දුන් බව සඳහන්.
සීෂෙල්ස් ප්‍රවෘත්ති ඒජන්සියට අනුව, වින්සන්ට් පෙරේරා පවසා ඇත්තේ, “මගේ කණ්ඩායම සමඟ එක්ව, මේ සුන්දර රටේ නීතියේ ආධිපත්‍යය තහවුරු වන බව දැකීමට මගේ උපරිමයෙන් දායක වන බවට මම ප්‍රතිඥා දෙමි.” යනුවෙන්.
වෙනත් අධිකරණ බල ප්‍රදේශවල සේවය කිරීමේ සිය අත්දැකීම් තුළින් රටට වඩා වැඩි සේවයක් කිරීමට බලාපොරොත්තු වන බවද මෙහිදී සඳහන් කර තිබෙනවා.
සීෂෙල්ස් හි නීතිපති කාර්යාලයට, රජයට නීති උපදෙස් ලබාදීමේ වරම ඇති අතර එය රටේ අපරාධ නඩු පැවරීමේ සේවාව වනු ඇති.
ශ්‍රී ලංකාවේ උපන් වින්සන්ට් පෙරේරා ශ්‍රී ලංකාවේ ශ්‍රේෂ්ඨාධිකරණයේ නීතීඥයකු, ෆීජි හි නීතිඥයකු සහ සොලිසිටර්වරයකු සහ සිංගප්පූරු සමථ මධ්‍යස්ථානයේ පිළිගත් මැදිහත්කරුවකු ලෙස සුදුසුකම් ලබා තිබෙනවා.
ඔහු කොළඹ විශ්වවිද්‍යාලයෙන් නීතිපති උපාධියක් ද ලබා ඇති අතර, ඔහු එරට නීතිපතිවරයා ලෙස පත්වීමට පෙර, සීෂෙල්ස් හි නීතිපති කාර්යාලයේ සිවිල් නඩු පැවරීමේ නීති උපදේශකයෙකු ලෙස සේවය කර තිබෙනවා.
