හොරණ පෝරුව දණ්ඩ බොරලුගොඩ ප්‍රදේශයේ ධාවනය වෙමින් තිබූ මෝටර් රථයක් රියදුරට පාලනය කර ගත නොහැකිව නවතා තිබූ ත්‍රීරෝද රථයක ගැටී අනතුරක් සිදුව තිබෙනවා.
අනතුරින් ත්‍රී රෝද රථය අසල රැදී සිටි 29 හැවිරිදි තරුණයෙකු ජීවිතක්ෂයට පත්ව ඇති අතර බරපතල තත්වයේ පසු වූ තවත් පුද්ගලයෙක් හොරණ මූලික රෝහලට ඇතුළත් කිරීමෙන් පසු කොළම ජාතික රෝහල වෙත මාරුකර එවා තිබෙනවා.
මෙලෙස මියගොස් ඇත්තේ බුලත්සිංහල හල්වතුර ප්‍රදේශයේ පදිංචිව සිටි 29 හැවිරිදි වසන්ත ලක්මාල් නමැති අවිවාහක පුද්ගලයෙක්.
ඇගේ පෙවතියද මේ අවස්තාවේදී ත්‍රීරෝද රථයේ සිට ඇති අතර ඇය දිවි බේරාගෙන තිබෙනවා.
අදාළ අනතුරින් බරපතළ තුවාල ලබා ඇත්තේ පෝරුවදණ්ඩ අරුණගම ප්‍රදේශයේ පදිංචි 61 හැවිරිදි පුද්ගලයා මෙම තරුණියගේ පියා බවයි වාර්තා වෙන්නේ.
මෙම පුද්ගලයින් එළවළු වෙළෙඳසැලක් ආරම්භ කිරීමේ කටයුතුවල නියැළෙමින් සිට ඇති අතර ඔහුට දහවල් ආහාර පාර්සලයක් රැගෙන යාමට මෙම ස්ථානයට පැමිණ තිබුණා.
එම අනතුරින් බරපතළ තුවාල ලැබූ පුද්ගලයන් දෙදෙනා හොරණ මූලික රෝහල වෙත ඇතුළත් කිරීමෙන් අනතුරුව එක් අයකු මියගිය බව රෝහල් ප්‍රකාශකයකු පවසා තිබෙනවා.
අනෙක් පුද්ගලයා බරපතළ තත්ත්වයේ පසුවූ බැවින් කොළඹ ජාතික රෝහල වෙත මාරු කර යැවූ බවත් රෝහල් ප්‍රකාශකයා වැඩිදුරටත් පවසා ඇත්තේ.
කෙසේ වෙතත් පොලිසිය පැවසුවේ හොරණ සිට ඉංගිරිය දෙසට ධාවනය වීමෙන් තිබූ මෙම සුඛෝභෝගී මෝටර් රථයක් වම් අත දිසාවේ පිහිටා තිබෙන අංක 28 බෝක්කුවේ ගැටී රියදුරට පාලනය කරගත නොහැකිව මාර්ගයේ ප්‍රතිවිරුද්ධ දිසාව තිබූ මෙම ත්‍රීරෝදරථයේ ගැටී ඇති බවයි.
