ද්විපාර්ශ්වික සබඳතා ශක්තිමත් කිරීම සඳහා ශ්‍රී ලංකාවේ අභිනවයෙන් තේරී පත් වූ ජනාධිපති අනුර කුමාර දිසානායක සමග සහයෝගයෙන් කටයුතු කිරීමට එක්සත් ජනපදය සිය සූදානම ප්‍රකාශ කර තිබේ.
X හි පළ කරන ලද ප්‍රකාශයක, එක්සත් ජනපද රාජ්‍ය දෙපාර්තමේන්තු ප්‍රකාශක මැතිව් මිලර් නව නායකයෙකු තෝරා පත් කර ගැනීමේ ප්‍රජාතන්ත්‍රවාදී අයිතිය ක්‍රියාත්මක කිරීම සම්බන්ධයෙන් ශ්‍රී ලංකාවේ ජනතාවට සුබ පැතුම් එක් කළේය.
“තම ජනාධිපතිවරයාට ඡන්දය ප්‍රකාශ කිරීමේ අයිතිය භාවිතා කිරීම ගැන ශ්‍රී ලංකාවේ ජනතාවට සුබ පැතුම්. අපගේ හවුල්කාරිත්වය ශක්තිමත් කිරීම සඳහා තේරී පත් වූ ජනාධිපති අනුර කුමාර දිසානායක මහතා සමඟ කටයුතු කිරීමට අපි බලාපොරොත්තු වෙමු,” මැතිව් මිලර් පැවසීය.
