පැමිණීමට නියමිතය.
වසර 2024 මාර්තු මාසයේදී ශ්‍රී ලංකාව පැවැති ආර්ථික අර්බුදයෙන් ගොඩ ඒම සඳහා ජාත්‍යන්තර මූල්‍ය අරමුදල සමග එවක පැවැති රජය එකඟතාවයකට පැමිණ තිබිණි. ඒ අනුව එක්සත් ජනපද ඩොලර් බිලියන 2.9ක විස්තීරණ ණය පහසුකමක් මෙරටට ලබා දීමට තීරණය කරන ලදී.
එම තීරණයට අනුව ශ්‍රී ලංකා රජය ජාත්‍යන්තර මූල්‍ය අරමුදල සමග ආර්ථික ප්‍රතිසංස්කරණ වැඩපිළිවෙලකට එළඹිණි. එහි ප්‍රතිඵලයක් ලෙස වරින් වර ජාත්‍යන්තර මූල්‍ය අරමුදලේ නියෝජිත කණ්ඩායම් මෙරටට පැමිණ එහි ප්‍රගතිය සමාලෝචනය කිරීමක් සිදු කරයි.
එම එකඟතාවයන් අනුව මේ වන විට ශ්‍රී ලංකාවට ණය වාරික දෙකක් නිදහස් කොට ඇත.
තුන්වන ණය වාරිකය නිදහස් කිරීම සම්බන්ධයෙන් කරුණු සමාලෝචනය කිරීමේ සැසිය ලබන සතියේ පැවැත්වීමට නියමිතව තිබේ. ඒ අනුව බලයට පත්වූ නව රජයේ ජනාධිපති අනුර කුමාර දිසානායක ප්‍රධාන රජයේ නියෝජිතයින්, මුදල් අමාත්‍යංශයේ ප්‍රධානීහු සහ ශ්‍රී ලංකා මහ බැංකුවේ අධිපතිවරයා ප්‍රධාන උසස් නිළධාරීහු මෙම සංචාරයේදී මුණ ගැසී කරුණු සාකච්ඡා කිරීමට නියමිත බව රජයේ ආරංචි මාර්ග සඳහන් කරයි.
