ණය ආපසු ගෙවීම ආරම්භ කිරීමෙන් පසු ශ්‍රී ලංකාව නැවතත් මූල්ය අර්බුදයකට මුහුණ දෙන බවට කරන ප්‍රකාශය මහ බැංකු අධිපති ආචාර්ය නන්දලාල් වීරසිංහ ප්‍රතික්ෂේප කර තිබේ. මාධ්‍යවේදීන් අමතමින් ඔහු කියා සිටියේ ශ්‍රී ලංකාව සිය ණය දැරිය හැකි මට්ටමකට ප්‍රතිව්‍යුහගත කර ඇති බවයි.
නිර්ණායක අනුගමනය කරන්නේ නම්, මූල්ය බංකොලොත්භාවය ගැන බිය විය යුතු නැත. ණය ප්‍රතිව්‍යුහගත කිරීම් සිදු කර ඇත්තේ තිරසාර ණය සේවාවක් සහතික කිරීම සඳහා පමණක් බව ඔහු පැවසීය.
ද්විපාර්ශ්වික ණය හිමියන් සමඟ ඇති කර ගත් ප්‍රතිපත්තිමය ගිවිසුමට අනුව විදේශ මුදල් ණය සේවාකරණය දළ දේශීය නිෂ්පාදිතයෙන් (GDP) සියයට 4.5 ක් පමණක් විය යුතු බව ඔහු පැවසීය. එය පසුගිය කාලයේ සියයට 9.2ක් තරම් ඉහළ අගයක් ගත් බවද ඔහු පැවසීය.
