චීනයේ ප්‍රාථමික අංශයේ පාසල් සංඛ්‍යාව සීග්‍රයෙන් අඩුවෙමින් පවතින බව විදෙස් මාධ්‍ය වාර්තා කරනවා.
එහි පාසල් කිහිපයක් වැසීමේ අවධානමක පවතින අතර බොහෝ පාසල් දැනටමත් ව්‍යාපාරවලින් ඉවත්ව ගොස් ඇති බවයි Nikkei Asia පුවත් සේවය වාර්තා කරන්නේ.
මෙම වත්මන් තත්ත්වය චීනයේ නව අධ්‍යයන සැසිය සමඟ සිසුන්ට බරපතල තර්ජනයක් එල්ල කරන බවයි පැවසෙන්නේ.
චීනයේ අධ්‍යාපන අමාත්‍යාංශය විසින් නිකුත් කරන ලද දත්ත වලට අනුව, 2021 සිට 2023 දක්වා කාලය තුළ චීනයේ ළදරු පාසල් සංඛ්‍යාව 294,832 සිට 274,480 දක්වා අඩු වී තිබෙනවා.
එහි ප්‍රතිඵලයක් ලෙස ප්‍රාථමික පාසල් 20,000ක් වැසී ගොස් ඇති බවයි පැවසෙන්නේ.
දැනට, නව වාරයට පෙර ඇතුළත් කිරීම් පිරවීම සඳහා පාසල් අරගල කරමින් සිටින බව ද එම වාර්තා වැඩිදුරටත් සඳහන් කරනවා.
පෙර පාසල්වල ඉගෙනුම ලබන වත්මන් දරුවන්ගේ සංඛ්‍යාව 2023 දී මිලියන 5කින් පහත වැටී මිලියන 40.92ක් දක්වා වනවා.
එය 2014 වසරේ සිට ගත් කළ පහළම අගය වන අතර පසුගිය වසර තුළ පූර්ණ කාලීන පෙර පාසල් ගුරුවරුන් 170,000 කට වැඩි පිරිසකගේ රැකියා ද අහිමි වී ඇති බවයි විදෙස් මාධ්‍ය වාර්තා කළේ.
