බෝම්බයක් රැගෙන අමතර පන්තියකට ගිය දරුවෙකු පිළබඳව වාර්තා වනවා.
හසලක පහේ ඇළ ප්‍රදේශයේ පදිංචි පාසල් දරුවකු මෙසේ අහුලාගත් අත්බෝම්බයක් රැගෙන අමතර පන්තියකට ගොස් ඇති බවයි හසලක පොලිසිය පවසන්නේ.
රැගෙන ගිය බෝම්බය පෞද්ගලික පන්ති ගුරුවරයාට පෙන්වා තිබෙන අතර, ඔහු විසින් එය ආරක්ෂිතව පොලිසිය බාරදී තිබෙන බවයි වාර්තා වන්නේ.
මෙම සිසුවා හසලක, පොලිස් බල ප්‍රදේශයේ පදිංචි 15 හැවිරිදි පාසල් දරුවකු බවයි සඳහන් වන්නේ.
නිවෙස ආසන්නයේ ඇති ඇළක දිය නාමින් සිටිය දී මෙම ජීව අත්බෝම්බය හමු වූ බව සිසුවා පොලිසියට පවසා තිබුණා.
කිසිවෙකුටත් මේ බව නොපවසා කිලෝ මීටර් 5ක් පමණ දුරින් පිහිටි උපකාරක පන්තියකට ගොස් එහි ගුරුවරයාට පෙන්වා මේ බව කියා තිබෙන බවයි පොලිසිය පවසන්නේ.
පසුව එම ගුරුවරයා මැදිහත්ව අත් බෝම්බය පොලිසියට බාරදී තිබෙනවා.
සිද්ධිය සම්බන්ධයෙන් අධිකරණයට කරුණු වාර්තා කොට ජීව අත්බෝම්බය විශේෂ කාර්ය බළකාය වෙත භාරදී නිෂ්ක්‍රීය කිරීමට අවශ්‍ය පියවර ගත්බව පොලිසිය IROMA NEWS වෙත පැවසුවා.
