නවීන කැබ් රථයක් මාවනැල්ල සෞඛ්‍ය වෛද්‍ය නිලධාරි කාර්යාලයේ යකඩ ගේට්ටුව කඩාගෙන ගොස් ආසන්නයේ තිබූ වෛද්‍ය රසායනාගාරයකට කඩාවැදී අනතුරට පත්ව තිබෙනවා.
අනතුරින් වෛද්‍ය රසායනාගාරයේ ඉදිරිපස කොටසට දැඩි හානි සිදුව අති බව වාර්තා වනවා.
මේ හේතුවෙන් කැබ් රථයටත් බරපතල හානි සිදුව තිබෙන බවයි පොලිසිය පවසන්නේ.
අනතුර ඊයේ (13) උදෑසන සිදුව තිබෙන බවයි වාර්තා වන්නේ.
එම අවස්ථාවේ රසායනාගාරයේ හෝ ඉදිරිපස කිසිවෙකුත් නොසිටි බැවින් පුද්ගල හානියක් සිදුවී නැති බවයි පොලිසිය පැවසුවේ.
කැබ් රථයේ වායූ බැලූන් ක්‍රියාත්මක වීම නිසා රියැදුරු සුළු තුවාල ලබා බේරී ඇති බවත් පොලිසිය පවසනවා.
මාවනැල්ල සෞඛ්‍ය වෛද්‍ය නිලධාරි කාර්යාලයට අයත් කැබ රථයක් මෙසේ අනතුරට ලක්ව ඇති බවයි පැවසෙන්නේ.
සෞඛ්‍ය වෛද්‍ය කාර්යාල පරිශ්‍රයේ නවතා තිබූ රථය එහි රියැදුරා විසින් පණගැන්වීමේදී රියැදුරුගේ පාලනයෙන් ගිලිහී අනතුර සිදුව ඇති බවයි පොලිසිය කියා සිටියේ.
සිද්ධිය සම්බන්ධයෙන් මාවනැල්ල පොලිසිය වැඩිදුර පරීක්ෂණ පවත්වනවා.
