ඉදිරි ජනාධිපතිවරණයට ඉදිරිපත්වන ලෙසට යෝජනාවක් කඩවත එක්ව ජයගමු ජන රැලියේදී ඒකමතිකව සම්මත වෙයි.
ඇමති ප්‍රසන්න කළ යෝජනාව පොහොට්ටුවේ මැති ඇමතිවරුන් 28 ක් හා හිටපු පළාත් පාලන මන්ත්‍රීවරුන් 380ක් හා 15000ට අධික ජනතාවක් ඒකමතිකව සම්මත කරයි…
ජනාධිපති අපේක්ෂකත්වයෙන් දැන් ජනාධිපති රනිල් වික්‍රමසිංහ මහතාට පැන යාමට නොහැකියි…
(ඇමති ප්‍රසන්න රණතුංග)
ජනපති අපේක්ෂකත්වයට මට කළ ආරාධනයට සුදුසු වේලාවේදී පිලිතුරු දෙනවා..
(ජනාධිපති රනිල් වික්‍රමසිංහ මහතා)
ජනාධිපති රනිල් වික්‍රමසිංහ මහතා ඉදිරිපත් ජනාධිපතිවරණයට හැමදාම ඉදිරිපත් වියයුතු බවට වන යෝජනාවක් කඩවත, බස්නැවතුම්පොළ භූමියේ අද (21) පැවති එක්ව ජයගමු ජන රැලියේදී ඒකමතිකව සම්මත කරගන්නා ලදී.
ආණ්ඩු පක්ෂ ප්‍රධාන සංවිධායක, නාගරික සංවර්ධන හා නිවාස අමාත්‍ය ප්‍රසන්න රණතුංග මහතා මෙම යෝජනාව ඉදිරිපත් කළේය.
ඒ වනවිට වේදිකාවේ රැඳීසිටි පොහොට්ටුවෙි පාර්ලිමේන්තු මැති ඇමතිවරුන් 28 දෙනෙකු හා හිටපු පළාත් පාලන මන්ත්‍රීවරුන් 380 දෙනෙකු සහ රැස්වීමට සහභාගී වූ 15000කට අධික ජනතාවක් අත් ඔසවමින් එම යෝජනාව ඒකමතිකව සම්මත කරනු ලැබීය.
එහිදී අමාත්‍ය ප්‍රසන්න රණතුංග මහතා සඳහන් කළේ ජනාධිපති අපේක්ෂකත්වයෙන් දැන් ජනාධිපති රනිල් වික්‍රමසිංහ මහතාට පැන යාමට නොහැකි වනු ඇති බවයි.
එබැවින් ජනාධිපතිවරයාගේ තීරණය ඉදිරි සතියේදී රටට දැනුම් දෙනු ඇතැයි තමන් බළාපොරොත්තු වන බවද අමාත්‍යවරයා මෙහිදි සඳහන් කළේය.
එයට පිලිතුරු දෙමින් ජනාධිපති රනිල් වික්‍රමසිංහ මහතා සඳහන් කළේ ජනාධිපතිවරණයට ඉදිරිපත් වන ලෙසට තමන්ට කළ ආරාධනයට සුදුසු වේලාවේදී තමන් පිලිතුරු ලබා දෙන බවයි.
