අකුරණ නගරයේ පිහිටා ඇති බේකරි නිෂ්පාදන අලෙවිසැළක් ඇතුළු තෙමහල් ගොඩනැගිලි සංකීර්ණයක ඇති වූ ගින්නකින් එම ගොඩනැගිල්ල සම්පූර්ණයෙන් විනාශ වී තිබෙනවා.
අද (05) උදෑසන හටගත් මෙම ගින්න පැතිර යාම නිසා මහනුවර – මාතලේ ඒ 9 මාර්ගය තාවකාලිකව වසා දමා ඇති බවයි පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව ප්‍රකාශ කළේ.
එමෙන්ම, ජාත්‍යන්තර පාසලක් පිහිටි ගොඩනැගිල්ලකට මෙන්ම තවත් ගොඩනැගිලි කිහිපයකට ගින්නෙන් බලපෑම් එල්ල වී ඇති බව අප වාර්තාකරු කියා සිටියා.
මහනුවර මහ නගර සභාවේ ගිනි නිවන ඒකකය, පොලිසිය සහ ප්‍රදේශවාසීන් ගින්න පැතිර යාම පාලනය සඳහා කටයුතු කරමින් සිටිනවා.
ගින්නට හේතුව නිශ්චිතව අනාවරණ වී නොමැති නමුත් විදුලි හෝ ගෑස් කාන්දුවක් ඊට හේතුවන්නට ඇති බවයි පොලිසිය සැක කරන්නේ.
