ජාත්‍යන්තර ක්‍රිකට් කවුන්සිලය (ICC) ඔලිම්පික් ක්‍රීඩක උසේන් බෝල්ට් 2024 ජුනි 1 සිට 29 දක්වා බටහිර ඉන්දීය කොදෙව් සහ ඇමරිකා එක්සත් ජනපදයේ පැවැත්වීමට නියමිත අයිසීසී පිරිමි විස්සයි20 ලෝක කුසලානයේ තානාපතිවරයෙක් ලෙස ප්‍රකාශයට පත් කර තිබෙනවා.
නව පරපුරේ රසික රසිකාවියන් දිරිමත් කරන විශාලතම ක්‍රිකට් සැණකෙළි සංදර්ශනය ආරම්භ වීමට සති කිහිපයකට පෙර මෙම නිවේදනය නිකුත් කර තිබීම විශේෂත්වයක්.
2008 බීජිං ඔලිම්පික් ක්‍රීඩා උළෙලේදී උසේන් බෝල්ට් මීටර් 100, මීටර් 200 සහ මීටර් 4×100 ලෝක වාර්තා කාලවලදී ජයග්‍රහණය කරනු ලැබුවා.
බෝල්ට් දැනට මීටර් 100, මීටර් 200 සහ මීටර් 4×100 තත්ත්පර 9.58, තත්පර 19.19 සහ තත්පර 36.84 කින් ලෝක වාර්තා තබා ඇති අතර ඔහුගේ පළමු ලෝක වාර්තාව වූයේ 2008 දී නිව් යෝර්ක්හිදී තත්පර 9.72 ක කාලයක් වාර්තා කළ විට මීටර් 100 ඉසව්වයි.
නව අවස්ථාව පිළිබඳව අදහස් දක්වමින් උසේන් බෝල්ට් ප්‍රකාශ කළේ මෙවැනි අදහසක්.
“ඉදිරි ICC පිරිමි T20 ලෝක කුසලානය සඳහා තානාපතිවරයෙකු වීමට ලැබීම ගැන මම සතුටු වෙනවා. ක්‍රිකට් ජීවිතයේ කොටසක් වන කැරිබියන් දූපත් වලින් පැමිණි මගේ හදවතේ ක්‍රීඩාවට සැමවිටම විශේෂ ස්ථානයක් හිමි වී ඇති අතර, ලෝක කුසලානයේ බටහිර ඉන්දීය කොදෙව් තරඟවලට සහභාගී වී ගෝලීය වශයෙන් ක්‍රිකට් වර්ධනයට දායක වීමට මම බලාපොරොත්තු වෙනවා.
ICC ප්‍රධාන විධායක නිලධාරී, Geoff Allardice පැවසුවේ, මෙවැනි අදහසක්.
“උසේන් බෝල්ට් යනු ගෝලීය නිරූපකයෙක්. නව පරම්පරාවේ රසිකයින් සමඟ සම්බන්ධ වීමට 2024 ICC පිරිමි T20 ලෝක කුසලානය සඳහා ඔහු තානාපතිවරයෙකු ලෙස පැමිණීම ගැන අපි සතුටට පත්වෙනවා
