සබරගමුව පළාතේ සහ මහනුවර, නුවරඑළිය, ගාල්ල සහ මාතර දිස්ත්‍රික්කවල (18) අද දිනයේදී විටින් විට වැසි ඇති විය හැකි බව කාලගුණ විද්‍යා දෙපාර්තමේන්තුව වාර්තා කරයි.
අද දින කාලගුණ අනාවැකිය දෙපාර්තමේන්තුව නිකුත් කළේය.
ඇතැම් ප්‍රදේශවලට මි.මීර් 50 දක්වා තද වැසි ඇති විය හැකිය.
බස්නාහිර සහ වයඹ පළාත්වලද වැසි අපේක්ෂා කෙරේ.
ඌව, උතුරු සහ නැගෙනහිර පළාත්වල සමහර ප්‍රදේශවල අපරභාගයේදී හෝ සවස් කාලයේ වැසි හෝ ගිගුරුම් සහිත වැසි ඇති විය හැකිය.
මධ්‍යම කඳුකරයේ බටහිර කොටසේ සහ බටහිර, සබරගමුව, දකුණ, වයඹ සහ උතුරු-මැද පළාත්වල පැයට කිලෝමීටර 40 සිට 50 දක්වා (පැයට සැතපුම් 25 සිට 31 දක්වා) තද සුළං ද අපේක්ෂා කෙරේ.
