තුන්වන වරටත් ඉන්දීය අග්‍රාමාත්‍යවරයා ලෙස තේරී පත්වූ නරේන්ද්‍ර මෝදිට වෙත ඉන්දියාවේ සාංචි චේතියගිරි විහාරය සහ ජපානයේ සවරා, ලංකාජී විහාරස්ථානයේ විහාරාධිපති ජපානයේ ප්‍රධාන සංඝනායක බානගල උපතිස්ස නාහිමිපාණන් සුබ පැතුම් පිරිනමා තිබෙනවා.
පණිවිඩයක් නිකුත් කරමින් නාහිමිපාණන් වහන්සේ පවසන්නේ මෙම සුවිශේෂී ජයග්‍රහණය නරේන්ද්‍ර මෝදි මහතාගේ දූරදර්ශි නායකත්වය ඉදිරි දැක්ම සහ රටේ අභිවෘද්ධිය සඳහා වූ නොසැලෙන කැපවීම පිළිබඳ සාක්ෂියක් වන බවයි.
එම සුභ පැතුම් පණිවිඩයේ වැඩිදුරටත් දැක්වෙන්නේ,
“අග්‍රාමාත්‍යවරයාගේ කැපී පෙනෙන දායකත්වය ඉන්දියාව තුළ සැලකිය යුතු ප්‍රගතියක් සහ සංවර්ධනයක් ඇති කිරීමට පමණක් නොව ගෝලීය වේදිකාවට ධනාත්මක ලෙස බලපා ඇති බව පෙනේ. ඔහුගේ මගපෙන්වීම යටතේ, ඉන්දියාව නොනැසී පවතින අතර, ඕනෑම අබියෝගයක් හමුවේ ඔරොත්තු දීමේ හැකියාව, නවෝත්පාදනය සහ රටේ සියලු අංශවල වර්ධනය පෙන්නුම් කරනවා.”
