රට ගොඩනැගීමට නම් වෙනස් කළ නොහැකි දූෂණ විරෝධී යාන්ත්‍රණයක් ක්‍රියාත්මක කළ යුතු බව විපක්ෂ නායක සජිත් ප්‍රේමදාස පවසනවා.
විපක්ෂ නායකවරයා මේ බව සඳහන් කළේ සක්වළ වැඩසටහනේ 196 වැනි අදියර යටතේ හෝමාගම – මීගොඩ ධර්මරාජ විද්‍යාලයට රුපියල් ලක්ෂ 12ක පමණ වටිනාකමින් යුත් සුහුරු පන්ති කාමරයක් ලබාදීමේ වැඩසටහනට එක්වෙමින්.
මෙහිදී විද්‍යාලයීය නර්තන කණ්ඩායමට ඇඳුම් සපයාගැනීම සඳහා රුපියල් ලක්ෂයක මුදලක් ද පාසැල් සංවර්ධන අරමුදලට පරිත්‍යාග කෙරුණා. එහිදී අදහස් දැක්වූ විපක්ෂ සජිත් ප්‍රේමදාස කියා සිටියේ රට බංකොලොත් කළ පිරිසට නීතියෙන් දඬුවම් දීමට කටයුතු කරන බවයි.
