ශ්‍රී ලංකාව සඳහා වූ ජාත්‍යන්තර මූල්‍ය අරමුදලේ විස්තීර්ණ ණය පහසුකම් දෙවැනි ඇගයීම පිළිබඳව ජ්‍යේෂ්ඨ නියෝජිතයින් පිරිසක් පවත්වන විශේෂ ප්‍රවෘත්ති සාකච්ඡාව Peter Breuerගේ ප්‍රධානත්වයෙන් මේ වන විට පැවැත්වෙනවා.
එහිදී එහි ජ්‍යේෂ්ඨ ප්‍රධානී Peter Breuer සඳහන් කර සිටියේ මැතිවරණයක් පැවැත්වීම ජාත්‍යන්තර මූල්‍ය අරමුදලට ගැටලුවක් නොවන බවයි.
ඕනෑම රටක මැතිවරණයක් පැවැත්වීමේ ප්‍රජාතන්ත්‍රවාදී ක්‍රියාවලික් වන බැවින් IMF ඒ සඳහා පූර්ණ වශයෙන් ගරු කරන අතර ඔවුන් අදාළ ක්‍රියාවලියට අනුගත වන බවද මෙහිදී පවසා තිබෙනවා.
එමෙන්ම එය නිශ්චිත කාලසීමාවක දී ප්‍රජාතන්ත්‍රවාදී අයුරින් පැවැත්වීම ඔවුන් අනුමත කරන බවයි වැඩිදුරටත් ඔහු පැවසුවේ.
කෙසේ වෙතත් ශ්‍රී ලංකාව තුළ මැතිවරණයක් පවත්වන්නේ නම් අදාළ බලධාරීන් සමග එක් ව ඊට අවශ්‍ය කාල රාමුවක් සැකසිය යුතු බවයි ජ්‍යේෂ්ඨ ප්‍රධානී Peter Breuer සඳහන් කර සිටියේ.
