පිළියන්දල – මහරගම ප්‍රධාන මාර්ගය ගොඩිගමුව – වෙළමැද හන්දිය ප්‍රදේශයෙන් අවහිර කරමින් ප්‍රදේශවාසීන් පිරිසක් මේ වනවිට විරෝධතාවක නිරතවනවා.
ඔවුන් පවසන්නේ සුලු වැසි තත්වයකදී පවා එම ප්‍රදේශය ජලයෙන් යටවන බවයි.
එම තත්වය වැළැක්වීමට හෝ අවම කිරීමට බලධාරීන් මෙතෙක් කිසිදු අවධානයක් යොමුකර නොමැති බවටයි චෝදනා එල්ලවන්නේ.
මෙම විරෝධතාව හේතුවෙන් පිළියන්දල – මහරගම මාර්ගයේ ගමනාගමන කටයුතුවලට බාධා එල්ලවී ඇති බව එහි සිටින අප වාර්තාකරු කියා සිටියා.
