MakeMyTrip ආයතනය විසින් නිකුත් කරන ලද වසර අවසාන වෙන්කරවා ගැනීම් දත්ත වාර්තාවලට අනුව, ඉන්දීය සංචාරකයින් අතර වඩාත් ජනප්රිය ජාත්යන්තර ගමනාන්තය ලෙස එක්සත් අරාබි එමීර් රාජ්යය අභිබවා තායිලන්තය පෙරමුණට පැමිණ ඇත. මෙම ලැයිස්තුවේ දෙවන ස්ථානය එක්සත් අරාබි එමීර් රාජ්යයට හිමිව ඇති අතර, ශ්රී ලංකාව, වියට්නාමය සහ මැලේසියාව පිළිවෙළින් ඉදිරි ස්ථාන දිනාගෙන තිබේ. තායිලන්තයේ පවතින ශක්තිමත් ගුවන් සබඳතා, වීසා සහන සහ සාධාරණ මිල ගණන් මෙම වර්ධනයට ප්රධාන හේතු වී ඇති අතර, ශ්රී ලංකාව තෙවන ස්ථානයට පත්වීමෙන් පෙන්නුම් කරන්නේ සරල කළ වීසා ක්රමවේද සහ කෙටි ගමන් කාලය හේතුවෙන් ඉන්දීය සංචාරකයින් තුළ මෙරට කෙරෙහි ඇති උනන්දුව යළිත් වේගයෙන් වර්ධනය වන බවයි. සමස්තයක් ලෙස, ඉන්දීය සංචාරකයින් ආසියාව සහ මැදපෙරදිග කලාපයේ පවතින, පහසුවෙන් ළඟාවිය හැකි සහ වියදම් අවම ගමනාන්ත කෙරෙහි වැඩි නැඹුරුවක් දක්වන බව මෙම දත්ත මගින් තහවුරු වේ.
ඉන්දීය සංචාරකයින්ගේ වැඩිම ආකර්ෂණය තායිලන්තයට: ශ්රී ලංකාව තෙවන ස්ථානයට!
