වැඩතහනමට ලක්ව සිටින පාර්ලිමේන්තු නියෝජ්ය මහලේකම් චමින්ද කුලරත්න මහතා විසින් කථානායකවරයාට එරෙහිව ඉදිරිපත් කරන ලද පැමිණිල්ල විභාගයට ගැනීමට අල්ලස් හෝ දූෂණ චෝදනා විමර්ශන කොමිෂන් සභාව තීරණය කර ඇත. මෑතකදී රැස්වූ කොමිෂන් සභා වාරයේදී මෙම පැමිණිල්ල දීර්ඝ ලෙස සාකච්ඡාවට බඳුන් වූ අතර, ඒ අනුව ඉදිරි දිනවලදී මේ සම්බන්ධයෙන් නිල විමර්ශන ආරම්භ කිරීමට අවශ්ය පියවර ගෙන තිබේ.මෙම සිදුවීම වඩාත් සංකීර්ණ මුහුණුවරක් ගන්නේ චමින්ද කුලරත්න මහතාට එරෙහිව ද අල්ලස් කොමිසම වෙත වෙනත් පාර්ශවයකින් පැමිණිල්ලක් ලැබී තිබීම හේතුවෙනි. කථානායකවරයාට එරෙහි පැමිණිල්ල විභාග කරන අතරතුරම, කුලරත්න මහතාට එරෙහිව ලැබී ඇති එම චෝදනා පත්රය පිළිබඳව ද විධිමත් පරීක්ෂණයක් පැවැත්වීමට කොමිෂන් සභාව තීරණය කර ඇති බව වාර්තා වේ.ඒ අනුව, පාර්ලිමේන්තුවේ ඉහළ නිලධාරියෙකු සහ කථානායකවරයා අතර පවතින මෙම අන්යෝන්ය නීතිමය අර්බුදය ඉදිරි කාලය තුළ දේශපාලන කරළියේ දැඩි කතාබහට ලක්වන ලකුණු පෙනෙන්නට තිබේ. දෙපාර්ශවයටම එල්ල වී ඇති මෙම දූෂණ විමර්ශන හරහා ඉදිරියේදී නිරාවරණය වන තොරතුරු මත පාර්ලිමේන්තු පරිපාලන ව්යුහය තුළ තීරණාත්මක වෙනස්කම් සිදු වීමට ද ඉඩකඩ පවතී.
කථානායක සහ හිටපු නියෝජ්ය මහලේකම් අතර නීතිමය සටන උණුසුම් වෙයි
