මුළු මහත් යුරෝපයම වෙළාගත් දරුණු ගුවන් ඉන්ධන හිඟයක් හේතුවෙන් මහාද්වීපය පුරා ගුවන් ගමන් ක්ෂේත්රය දැඩි අවුල් ජාලාවකට පත්ව තිබේ. ඉතාලිය, ජර්මනිය, එක්සත් රාජධානිය, ප්රංශය, පෘතුගාලය, ඩෙන්මාර්කය සහ අයර්ලන්තය ඇතුළු රටවල් රැසක් මේ වන විට මෙම අර්බුදයට මැදිව සිටින අතර, මෙහි වඩාත්ම දැඩි බලපෑම එල්ල වී ඇත්තේ ඉතාලියටයි. මැදපෙරදිග කලාපයේ පවතින ගැටුම්කාරී තත්ත්වය සහ ගෝලීය වශයෙන් පිරිපහදු ධාරිතාව පහත වැටීම මෙම අර්බුදයට මූලික හේතුව වී ඇති අතර, ගල්ෆ් කලාපයෙන් යුරෝපයට ලැබෙන ඉන්ධන සැපයුම 2025 වසරේ සිට කැපී පෙනෙන ලෙස අඩුවීම මෙම තත්ත්වය තවත් දරුණු කර ඇත.විශේෂයෙන්ම සංචාරක කර්මාන්තයේ කේන්ද්රස්ථානයක් වන ඉතාලියේ මිලාන් ලිනාටේ (Milan Linate), වෙනිස් මාර්කෝ පෝලෝ (Venice Marco Polo), බොලොඥ්ඥා (Bologna) සහ ට්රෙවීසෝ (Treviso) යන ප්රධාන ගුවන් තොටුපළවල මේ වන විට ඉතා දැඩි ඉන්ධන සලාක ක්රම පනවා තිබේ. හදිසි වෛද්ය සේවා සහ රජයේ විශේෂ ගුවන් ගමන් සඳහා ප්රමුඛතාවය ලබා දීම නිසා, සාමාන්ය මගී ප්රවාහන යානා සඳහා ඉන්ධන ලබා දීම සීමා කර ඇත. මේ හේතුවෙන් ගුවන් සමාගම්වලට තම ගුවන් වාර අවලංගු කිරීමට හෝ ඉන්ධන ලබා ගැනීම සඳහා අතරමැදි ගුවන් තොටුපළවල යානා නැවැත්වීමට සිදු වී තිබේ. මෙය මගීන්ගේ ගමන් කාලය පැය ගණනාවකින් දීර්ඝ වීමටත්, ගුවන් ප්රවේශ පත්ර මිල අහස උසට ඉහළ යාමටත් සෘජුවම බලපා ඇත.ඉතාලියට අමතරව ජර්මනියේ ෆ්රැන්ක්ෆර්ට් සහ මියුනිච් වැනි ප්රධාන ගුවන් මධ්යස්ථාන මෙන්ම එක්සත් රාජධානියේ ලන්ඩන්, මැන්චෙස්ටර් සහ එඩින්බරෝ ගුවන් තොටුපළවල ද ගුවන් ගමන් වාර විශාල වශයෙන් කපා හැර ඇත. ප්රංශයේ චාල්ස් ඩි ගෝල් සහ පෘතුගාලයේ ලිස්බන් වැනි ගුවන් තොටුපළවල ද ඉන්ධන හිඟය නිසා සංචාරකයින් දැඩි අපහසුතාවයට පත්ව සිටිති. මෙම අර්බුදය යුරෝපයට පමණක් සීමා නොවී ඇමරිකාව සහ ආසියාව වැනි කලාපවල සිට පැමිණෙන ජාත්යන්තර ගුවන් ගමන් වලට ද බලපා ඇති අතර, ඉදිරි ගිම්හාන නිවාඩු සමය වන විට යුරෝපීය සංචාරක ක්ෂේත්රයට මෙයින් දැවැන්ත ආර්ථික පාඩුවක් සිදුවනු ඇතැයි ආර්ථික විශේෂඥයෝ අනතුරු අඟවති. මේ තත්ත්වය හමුවේ සංචාරකයින්ට උපදෙස් දෙන්නේ තම ගුවන් ගමන් වාර පිළිබඳව නිරන්තරයෙන් අවධානයෙන් පසුවන ලෙසත්, ගමන් ආරම්භ කිරීමට පෙර ගුවන් සමාගම් හරහා තොරතුරු තහවුරු කර ගන්නා ලෙසත්ය.
ගුවන් ඉන්ධන අර්බුදයෙන් යුරෝපය කැළඹෙයි: ඉතාලියේ ගුවන් තොටුපළ රැසක මගීන් අතරමං වන ලකුණු!
