ජාත්යන්තර මූල්ය අරමුදලේ (IMF) කළමනාකාර අධ්යක්ෂිකා ක්රිස්ටලිනා ජෝර්ජියේවා මහත්මිය තෙදින නිල සංචාරයක් සඳහා අද (පෙබරවාරි 16) ශ්රී ලංකාවට පැමිණීමට නියමිතය. ජාත්යන්තර මූල්ය අරමුදලට අනුව ඇය පෙබරවාරි 18 වනදා දක්වා දිවයිනේ රැඳී සිටිනු ඇත. මෙම සංචාරය අතරතුර ඇය රජයේ නියෝජිතයින් සහ ප්රධාන පාර්ශවකරුවන් රැසක් හමුවී සාකච්ඡා පැවැත්වීමට අපේක්ෂා කරයි.විශේෂයෙන්ම, මෑතකදී බලපෑ ‘දිට්වා’ සුළි කුණාටුව හේතුවෙන් මෙරටට සිදුවූ බලපෑම නිරීක්ෂණය කිරීම ඇයගේ මෙම සංචාරයේ ප්රධාන අරමුණකි. එමෙන්ම, විපතට පත් වූවන් වෙනුවෙන් සිදුකරන සහන සේවා සඳහා මූල්ය අරමුදලේ සහාය ලබා දිය හැකි ආකාරය සහ ශ්රී ලංකාවට දිගුකාලීන ඔරොත්තු දීමේ හැකියාවක් ගොඩනැගීමට දායක විය හැකි ක්රමවේද පිළිබඳව ද මෙහිදී විශේෂ අවධානයක් යොමු කෙරෙනු ඇත.
ජාත්යන්තර මූල්ය අරමුදලේ ප්රධානී ක්රිස්ටලිනා ජෝර්ජියේවා අද දිවයිනට
