ජාත්යන්තර මූල්ය අරමුදලේ (IMF) කාර්ය මණ්ඩල කණ්ඩායමක් මාර්තු 26 වැනිදා සිට අප්රේල් 09 වැනිදා දක්වා ශ්රී ලංකාවේ සංචාරයක නිරත වන බව එම අරමුදලේ සන්නිවේදන අධ්යක්ෂිකා ජූලි කොසාක් මහත්මිය නිවේදනය කළාය. මාධ්ය හමුවක් අමතමින් ඇය සඳහන් කළේ, මෙම සංචාරයේ ප්රධාන අරමුණ ආර්ථික ප්රතිපත්ති පිළිබඳව සාකච්ඡා කිරීම බවයි. විශේෂයෙන්ම, දැනට ක්රියාත්මක මූල්ය වැඩසටහනේ පස්වන සහ හයවන සමාලෝචන ඒකාබද්ධව සම්පූර්ණ කිරීමත්, මැදපෙරදිග පවතින ගැටුම්කාරී තත්ත්වය ශ්රී ලංකාවේ ආර්ථිකයට එල්ල කළ හැකි බලපෑම පිළිබඳව තක්සේරු කිරීමත් මෙහිදී සිදු කෙරෙනු ඇත.මෙම සාකච්ඡා අතරතුර, මැදපෙරදිග ගැටුම් හේතුවෙන් මෙරට ආර්ථිකයට ඇති විය හැකි බලපෑම් පිළිබඳව වඩාත් නිවැරදි අවබෝධයක් ලබා ගැනීමට බලධාරීන් සමඟ අදහස් හුවමාරු කර ගන්නා බවද කොසාක් මහත්මිය පැවසුවාය. මෙම කණ්ඩායම ආපසු ගිය පසු, ශ්රී ලංකාවේ ආර්ථිකය පිළිබඳ යාවත්කාලීන තක්සේරුවක් සහ ජාත්යන්තර මූල්ය අරමුදලට ශ්රී ලංකාවට තවදුරටත් සහාය විය හැකි ආකාරය පිළිබඳ වාර්තාවක් ඉදිරිපත් කිරීමට නියමිතය. මැදපෙරදිග ගැටුම්වලින් පීඩාවට පත් රටවල් සමඟ මූල්ය අරමුදල සක්රීයව කටයුතු කරන බවත්, ගෝලීය ආර්ථික අවදානම් පිළිබඳව අවධානයෙන් පසුවන බවත් ඇය වැඩිදුරටත් අවධාරණය කළාය.ලෝකයේ බොහෝ රටවල මුදල් අමාත්යවරුන් සහ මහ බැංකු අධිපතිවරුන් සමඟ අදහස් හුවමාරු කර ගනිමින්, ප්රතිපත්තිමය උපදෙස්, ධාරිතා සංවර්ධනය සහ අවශ්යතාවය අනුව මූල්ය ආධාර සැපයීමට අරමුදල සූදානම් බවද ඇය පැවසුවාය. මෙම ගැටුම්කාරී තත්ත්වයේ සමස්ත බලපෑම රඳා පවතින්නේ එය පවතින කාලය සහ එහි තීව්රතාවය මතය. මේ පිළිබඳ සවිස්තරාත්මක සහ යාවත්කාලීන තක්සේරුවක් එළඹෙන අප්රේල් මාසයේදී නිකුත් කෙරෙන ‘ලෝක ආර්ථික දැක්ම’ (World Economic Outlook) වාර්තාව මගින් ඉදිරිපත් කිරීමට නියමිත බව ජූලි කොසාක් මහත්මිය වැඩිදුරටත් පෙන්වා දුන්නාය.
ජාත්යන්තර මූල්ය අරමුදලේ (IMF) නියෝජිත පිරිසක් මාර්තු 26 වනදා ශ්රී ලංකාවට!
