ඉරානය සමඟ යළි සාකච්ඡා ආරම්භ කළ බවට අමෙරිකානු ජනාධිපති ඩොනල්ඩ් ට්රම්ප් කළ ප්රකාශය, ශීඝ්රයෙන් ඉහළ යන ලෝක තෙල් මිල පාලනය කිරීම සඳහා වෙළඳපොළ වෙත නිකුත් කළ උපක්රමික පණිවිඩයක් විය හැකි බව හිටපු අමෙරිකානු නියෝජ්ය සහකාර රාජ්ය ලේකම් ජොයෙල් රූබින් පවසයි. හෝමුස් සමුද්ර සන්ධිය ආශ්රිතව පවතින නොසන්සුන්තාව හමුවේ ඉන්ධන මිල ඉහළ යාම වැළැක්වීමට ජනාධිපතිවරයාට පියවරක් ගැනීමට අවශ්ය වී ඇති බවත්, සැබවින්ම කිසිදු පාර්ශවයක් සමඟ සාකච්ඡා නොවී මෙවැනි ප්රකාශයක් කිරීමට ඉඩ ඇති බවත් රූබින් වැඩිදුරටත් සඳහන් කළේය.ඉරානයේ බලශක්ති යටිතල පහසුකම්වලට ප්රහාර එල්ල කරන බවට තර්ජනය කිරීමෙන් අනතුරුව, එම ප්රහාර කල් දැමූ බවත් ටෙහෙරානය සමඟ යළි සාකච්ඡා ඇරඹූ බවත් ට්රම්ප් ප්රකාශ කර තිබුණි. කෙසේ වෙතත්, වොෂින්ටනය සමඟ කිසිදු ආකාරයක සංවාදයක් පවත්වා නොමැති බව ඉරාන විදේශ අමාත්යාංශය අවධාරණය කරයි. ට්රම්ප්ගේ මෙම ප්රකාශ හුදෙක් බලශක්ති මිල පහත දැමීමට සහ හමුදා සැලසුම් සඳහා කාලය ලබා ගැනීමට ගන්නා උත්සාහයක් බව ඉරාන රාජ්ය මාධ්ය වාර්තා කර ඇත.
තෙල් මිල පාලනයට ට්රම්ප්ගෙන් ‘සංවාද’ උපක්රමයක්? ඉරානය චෝදනා ප්රතික්ෂේප කරයි
