දැරණියගල, නුරියවත්ත ප්රදේශයේ සැකකටයුතු ලෙස මියගිය 14 හැවිරිදි පිරිමි දරුවෙකුගේ මළ සිරුර, අවිස්සාවේල්ල මහේස්ත්රාත් ප්රමෝද් ජයසේකර මහතාගේ නියෝගය පරිදි අද (ජනවාරි 12) යළි ගොඩගනු ලැබීය. පසුගිය ජනවාරි 2 වනදා මෙම දරුවා සිය නිවසේ මව සහ පියා සමඟ සිටියදී මියගොස් ඇති අතර, පොලිසිය සිදුකළ මූලික විමර්ශනවලදී මරණය සම්බන්ධයෙන් සැකයක් මතු වීම හේතුවෙන් ඔහුගේ දෙමාපියන් දෙදෙනාම අත්අඩංගුවට පත් විය. දැනට රිමාන්ඩ් බන්ධනාගාරගත කර සිටින සැකකාර දෙමාපියන් සම්බන්ධයෙන් සාධාරණ පරීක්ෂණයක් පවත්වන ලෙස ඉල්ලා ප්රදේශවාසීන් සහ ඥාතීන් පසුගියදා විරෝධතාවල ද නිරත වූහ.පොලිස් වාර්තාවලට අනුව, ජනවාරි 2 වනදා රාත්රියේ නුරියවත්ත ප්රදේශයේ නිවසක දරුවෙකුට පහර දෙන බවට ලද පැමිණිල්ලකට අනුව නිලධාරීන් එම ස්ථානයට ගොස් තිබේ. එහිදී නිවස අසල වැටී සිටි දරුවා රෝහල්ගත කළද ඒ වන විටත් ඔහු මියගොස් සිටි බව තහවුරු විය. අද දින සිරුර ගොඩගනු ලැබුවේ මරණයට නිශ්චිත හේතුව සෙවීම සඳහා නව පශ්චාත් මරණ පරීක්ෂණයක් පැවැත්වීමට වන අතර, මේ හේතුවෙන් ප්රදේශයේ නොසන්සුන්කාරී තත්ත්වයක් ද හටගෙන ඇත.
දැරණියගල 14 හැවිරිදි සිසුවාගේ මරණය: සිරුර යළි ගොඩගැනේ!
