ප්රවීණ මාධ්යවේදිනී දිල්කා සමන්මලී මහත්මියට අපහාස වන අන්දමින් යූ ටියුබ් (YouTube) නාලිකාවක් ඔස්සේ ප්රකාශ සිදු කිරීම සම්බන්ධයෙන් සුදන්ත තිලකසිරිගෙන් රුපියල් මිලියන සියයක වන්දියක් ඉල්ලා නීතිමය ක්රියාමාර්ග ගෙන තිබේ. නීතිඥ නලින් පතිරණ මහතා මාධ්ය වෙත අදහස් දක්වමින් සඳහන් කළේ, අදාළ අපහාසාත්මක ප්රකාශයන්ට එරෙහිව සිය සේවාදායකිය වෙනුවෙන් මේ වන විටත් එන්තරවාසියක් යොමු කර ඇති බවයි. මීට පෙර මෙම සිදුවීම සම්බන්ධයෙන් අපරාධ පරීක්ෂණ දෙපාර්තමේන්තුවට ද (CID) පැමිණිල්ලක් ඉදිරිපත් කර තිබුණි.මෙම නීතිමය ක්රියාමාර්ගවලට අමතරව, අදාළ පුද්ගලයා විසින් සිදුකළ ප්රකාශයන් හේතුවෙන් ඇති වූ බලපෑම සැලකිල්ලට ගනිමින් දිල්කා සමන්මලී මහත්මියගේ පියා විසින් අද දින ඕස්ට්රේලියානු පොලිසිය වෙත ද නිල පැමිණිල්ලක් සිදු කිරීමට නියමිත බව නීතිඥවරු හෙළි කළහ. විදේශගතව සිටිමින් මෙරට පුද්ගලයන්ගේ ගරුත්වයට හානි වන අන්දමින් සිදු කරන ප්රකාශ පාලනය කිරීම සහ ඊට අදාළ වගකිවයුත්තන්ට දඬුවම් පැමිණවීම මෙහි මූලික අරමුණ වී තිබේ.සමාජ මාධ්ය අවභාවිත කරමින් සිදුකරන මෙවැනි අපහාසාත්මක ක්රියාවන් සම්බන්ධයෙන් දැඩිව නීතිය ක්රියාත්මක කිරීමට තීරණය කර ඇති බවත්, අධිකරණමය ක්රියාමාර්ග හරහා සාධාරණය ඉටුකර ගැනීමට අපේක්ෂා කරන බවත් මාධ්යවේදිනිය වෙනුවෙන් පෙනී සිටින නීතිඥ මණ්ඩලය වැඩිදුරටත් අවධාරණය කළහ. කොළඹ පිහිටි නීතිඥ කාර්යාලයක් මගින් මෙම සියලු නීතිමය ලේඛන කටයුතු සම්බන්ධීකරණය කරනු ලබයි.
දිල්කා සමන්මලීගෙන් සුදන්ත තිලකසිරිට එරෙහිව රුපියල් මිලියන 100ක එන්තරවාසියක්
