උතුරු, උතුරු-මැද, ඌව, නැගෙනහිර සහ මධ්යම පළාත්වලත් හම්බන්තොට දිස්ත්රික්කයේත් විටින් විට වැසි හෝ ගිගුරුම් සහිත වැසි ඇති විය හැක. විශේෂයෙන් නැගෙනහිර සහ ඌව පළාත්වල ඇතැම් ස්ථානවලට මිලිමීටර් 50 ට වැඩි තරමක තද වැසි බලාපොරොත්තු විය හැකිය. දිවයිනේ සෙසු ප්රදේශවල පස්වරු 1.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි අතර, වයඹ, බස්නාහිර සහ සබරගමුව පළාත්වල ඇතැම් ස්ථානවලට මිලිමීටර් 75 ක පමණ තරමක තද වැසි ඇතිවීමේ හැකියාවක් පවතී. මීට අමතරව, බස්නාහිර, සබරගමුව සහ මධ්යම පළාත්වලත් ගාල්ල, මාතර සහ කුරුණෑගල දිස්ත්රික්කවලත් උදෑසන කාලයේදී මීදුම් සහිත තත්ත්වයක් අපේක්ෂා කළ හැක.මුහුදු ප්රදේශ පිළිබඳ සැලකීමේදී, කන්කසන්තුරය සිට ත්රිකුණාමලය හරහා පොතුවිල් දක්වා වන මුහුදු ප්රදේශවල වැසි ඇතිවන අතර, සෙසු මුහුදු ප්රදේශවල සවස් කාලයේ හෝ රාත්රී කාලයේදී වැසි හෝ ගිගුරුම් සහිත වැසි ඇති විය හැක. සුළඟ නැගෙනහිර සිට ඊසාන දෙසින් පැයට කිලෝමීටර් 25-35 ක වේගයකින් හමන අතර, හලාවත සිට මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වන මුහුදු ප්රදේශවල සුළගේ වේගය විටින් විට පැයට කිලෝමීටර් 45 දක්වා වැඩි විය හැක. මේ හේතුවෙන් එම මුහුදු ප්රදේශ විටින් විට රළු විය හැකි අතර, ගිගුරුම් සහිත වැසි ඇති වන අවස්ථාවලදී තාවකාලිකව තද ප්රබල සුළං සහ ඉතා රළු මුහුදු තත්ත්වයක් ඇති විය හැකි බැවින් අවධානයෙන් පසුවන ලෙස දැනුම් දෙනු ලැබේ.
දිවයින පුරා වැසි සහ තද සුළං: අවධානයෙන් සිටින්න!
