තම ජීවිතයට තර්ජනයක් ඇතැයි හැඟෙන ඕනෑම නීතිඥවරයෙකුට මහජන ආරක්ෂක අමාත්යාංශය හරහා ආරක්ෂාව ලබාගත හැකි බව අධිකරණ අමාත්ය හර්ෂණ නානායක්කාර මහතා අද පැවැත්වූ විශේෂ මාධ්ය හමුවකදී ප්රකාශ කළේය. අකුරේගොඩ ප්රදේශයේදී නීතිඥවරයෙකු සහ ඔහුගේ බිරිඳ ඝාතනය කිරීමේ සිද්ධිය දැඩි ලෙස හෙළා දුටු අමාත්යවරයා, එම අපරාධයට වගකිවයුත්තන් නීතිය හමුවට පමුණුවන බවට සහතික විය. කෙසේ වෙතත්, මෙම සිද්ධිය පදනම් කරගනිමින් සියලුම නීතිඥයන්ට මරණ තර්ජන ඇති බවට විපක්ෂය ඇතුළු ඇතැම් කණ්ඩායම් ගෙන යන ප්රචාරයන් හුදෙක් දේශපාලන සටන් පාඨ පමණක් බවද ඔහු අවධාරණය කළේය.මෙරට අධිකරණ පද්ධතිය තුළ දැනට සිවිල් සහ අපරාධ නඩු එක්ලක්ෂ දසදහසක් (මිලියන 1.1ක්) පමණ ගොඩගැසී ඇති බවත්, කාර්ය මණ්ඩල හිඟය මීට ප්රධාන හේතුව වී ඇති බවත් අමාත්යවරයා මෙහිදී පෙන්වා දුන්නේය. මෙම ගැටලුව එළඹෙන මාර්තු හෝ අප්රේල් මාසය වන විට විසඳීමට අපේක්ෂා කරන අතර, නඩු විභාග කඩිනම් කිරීම සඳහා අගවිනිසුරුවරයා විසින් විධිමත් සැලැස්මක් සකස් කර ඇති බවද ඔහු පැවසීය. මේ යටතේ අලුත්කඩේ අධිකරණ සංකීර්ණයට යෝජිත අතිරේක උසාවි පහක් ඇතුළුව නව අධිකරණ කිහිපයක් ස්ථාපිත කිරීමට නියමිතය.අධිකරණ ක්රියාවලිය ඩිජිටල්කරණය කිරීම හරහා වියදම් රැසක් ඉතිරි කර ගැනීමට හැකි වී ඇති බව සඳහන් කළ අමාත්යවරයා, නඩු කටයුතු අවසන් වූ පසු ලෝහමය භාණ්ඩ වෙන්දේසි කිරීමෙන් රුපියල් මිලියන 952ක ලාභයක් උපයා ඇති බවද අනාවරණය කළේය. වැරදිකරුවන් බන්ධනාගාරගත කිරීම අධිකරණ අමාත්යාංශයේ පමණක් වගකීමක් නොවන බවත්, එය පොලිස් දෙපාර්තමේන්තුව සහ අධිකරණය අතර නිසි සම්බන්ධීකරණයකින් සිදු විය යුතු ක්රියාවලියක් බවත් ඔහු වැඩිදුරටත් කියා සිටියේය.
නීතිඥ ආරක්ෂාව සහ නඩු ප්රමාදයට විසඳුම්: අධිකරණ ඇමතිගෙන් විශේෂ ප්රකාශයක්!
