බලපත්ර නොමැතිව ඩීසල් ලීටර් 826ක් ළඟ තබාගෙන සිටි සැකකරුවන් දෙදෙනෙකු මරදාන, ඩී.ආර්. විජේවර්ධන මාවත ප්රදේශයේදී අත්අඩංගුවට ගැනීමට පොලිසිය සමත්ව තිබේ. කොළඹ දිසා අපරාධ කොට්ඨාසයේ නිලධාරීන්ට ලැබුණු විශේෂ තොරතුරකට අනුව මෙම වැටලීම සිදුකර ඇති අතර, එහිදී ඉන්ධන ජාවාරමෙන් උපයාගත් බවට සැකකෙරෙන රුපියල් 72,210ක මුදලක් ද පොලිස් භාරයට ගෙන ඇත.අත්අඩංගුවට පත් සැකකරුවන් වයස අවුරුදු 23 සහ 61 යන වයස් කාණ්ඩවල පසුවන වැල්ලවත්ත සහ වාරියපොල ප්රදේශවල පදිංචිකරුවන් බව හඳුනාගෙන තිබේ. කිසිදු නීත්යානුකූල අවසරයකින් තොරව මෙතරම් ඉන්ධන ප්රමාණයක් රඳවා තබා ගැනීම සම්බන්ධයෙන් ඔවුන්ගෙන් දීර්ඝලෙස ප්රශ්න කිරීම් සිදු කෙරේ.මෙම ජාවාරම පිටුපස සිටින සෙසු පුද්ගලයන් සහ මෙම ඉන්ධන තොගය ලබාගත් ආකාරය පිළිබඳව කොළඹ දිසා අපරාධ කොට්ඨාසය මේ වන විට වැඩිදුර විමර්ශන පවත්වයි. නීති විරෝධී ලෙස ඉන්ධන රැස්කර තබාගන්නා පුද්ගලයන් සම්බන්ධයෙන් දැඩිව නීතිය ක්රියාත්මක කරන බව ද පොලිසිය අවධාරණය කරයි.
නීති විරෝධී ඩීසල් තොගයක් සමඟ පුද්ගලයින් දෙදෙනෙකු කොටු වෙයි
