පොදු මහජනතාවගේ ආරක්ෂාවට තර්ජනයක් වන පරිදි අනතුරුදායක උපාංග සවිකර ඇති බස් රථ, ත්රිරෝද රථ සහ අනෙකුත් වාහනවල එම නීති විරෝධී වෙනස්කම් ඉවත් නොකරන පිරිස්වලට එරෙහිව දැඩි නීතිමය පියවර ගන්නා බව පොලිසිය නිවේදනය කර ඇත. මෙවැනි වාහන පරීක්ෂා කර ඒවා ධාවනය තහනම් කිරීමේ නිල නියෝග මෝටර් රථ පරීක්ෂකවරුන් හරහා ලබා ගැනීමට කටයුතු කරන බවත්, මෙම වෙනස්කම් මගින් මහජන ආරක්ෂාවට බරපතල අවදානමක් පවතින බවත් පොලිසිය අවධාරණය කරයි.මේ අතර, මාර්ග නීති උල්ලංඝනය කර පලා යාමට උත්සාහ කරමින් පොලිස් නිලධාරීන්ගේ ජීවිත අනතුරේ හෙළන රියදුරන්ට එරෙහිව ‘මනුෂ්ය ඝාතනයක් කිරීමට තැත් කිරීම’ යටතේ නඩු පවරන ලෙසට ද පොලිස් නිලධාරීන්ට උපදෙස් ලබා දී ඇත. තවද, මාර්ග විනය වැඩිදියුණු කිරීමේ සහ රථවාහන වැරදි අවම කිරීමේ පුළුල් වැඩපිළිවෙළක කොටසක් ලෙස, රියදුරු බලපත්ර සඳහා වන දඬුවම් ලකුණු (Demerit points) ක්රමය ලබන වසරේ ජූලි මාසයේ සිට ක්රියාත්මක වන බව ද පොලිසිය තහවුරු කර තිබේ.
නීති විරෝධී වෙනස්කම් කළ වාහනවලට තිත: රියදුරන්ට එරෙහිව දැඩි නීතිමය පියවර!
