බලශක්ති අමාත්ය කුමාර ජයකොඩි මහතාට එරෙහිව ඉදිරිපත්ව ඇති විශ්වාසභංග යෝජනාව පිළිබඳ විවාදය ලබන අප්රේල් මස 10 වැනිදා පැවැත්වීමට පාර්ලිමේන්තු කටයුතු පිළිබඳ කාරක සභාව අද තීරණය කළේය. එදින පෙරවරු 11.30 සිට පස්වරු 5.30 දක්වා කාලය ඒ වෙනුවෙන් වෙන් කර ඇති අතර, ලබන අප්රේල් 7, 9 සහ 10 යන දිනවල පැවැත්වෙන පාර්ලිමේන්තු සතියට අදාළ වැඩකටයුතු සැලසුම් කිරීමේදී මෙම තීරණයට එළැඹ තිබේ. අමාත්යවරයාගේ ක්රියාකලාපය සම්බන්ධයෙන් විපක්ෂය ගෙන ආ මෙම යෝජනාව එදින සභාවේදී දැඩි කතාබහට ලක්වීමට නියමිතය.මීට අමතරව, විපක්ෂය විසින් ඉල්ලා තිබූ 2019 පාස්කු ඉරුදින ත්රස්ත ප්රහාරය පිළිබඳ සභාව කල්තැබීමේ විවාදය අප්රේල් මස 9 වැනිදා පැවැත්වීමට ද මෙහිදී එකඟතාව පළ විය. ඒ අනුව එදින පස්වරු 2.00 සිට පස්වරු 5.30 දක්වා එම විවාදය පැවැත්වෙනු ඇත. රටේ ආරක්ෂාව සහ යුක්තිය ඉටුවීම සම්බන්ධයෙන් තීරණාත්මක කරුණු රැසක් සාකච්ඡා කෙරෙන මෙම විශේෂ පාර්ලිමේන්තු සතිය කෙරෙහි මේ වන විට දේශපාලන ක්ෂේත්රයේ දැඩි අවධානයක් යොමුව පවතියි.
බලශක්ති අමාත්යවරයාට එරෙහි විශ්වාසභංගය අප්රේල් 10; පාස්කු ප්රහාරය පිළිබඳ විවාදය 9 වැනිදා
