බියගම, ගැමුණු මාවත ප්රදේශයේ කුලී පදනම මත පදිංචිව සිටි 30 හැවිරිදි තරුණයෙකු ඊයේ (09) රාත්රියේ අමානුෂික ලෙස ඝාතනය කර තිබේ. හෝමාගම ප්රදේශයේ පදිංචිකරුවෙකු වන මොහු, නවාතැන්පොළ තුළ සිටියදී එල්ල වූ මෙම ප්රහාරයෙන් බරපතළ තුවාල ලබා මුල්ලේරියාව රෝහලට ඇතුළත් කිරීමෙන් පසු මියගොස් ඇති බව පොලිසිය තහවුරු කරයි.මෙම අපරාධය සිදුකර ඇත්තේ ඉතා සූක්ෂ්ම ලෙස සැලසුම් කරන ලද උගුලක් මඟිනි. මරණකරුට අයත් ත්රීරෝද රථය ඔහු රැඳී සිටි කාමරය ඉදිරිපිට ගිනි ගැනීමට ලක්ව ඇති අතර, එය නිවීමට ඔහු එළියට පැමිණි අවස්ථාවේදී සැඟව සිටි පුද්ගලයින් දෙදෙනෙකු මෙම මාරාන්තික ප්රහාරය එල්ල කර ඇත.ප්රහාරය එල්ල කළ සැකකරුවන් දෙදෙනා මුහුණු ආවරණය කරගෙන පැමිණ ඇති අතර, තියුණු ආයුධවලින් පහරදී මොහොතකින් ප්රදේශයෙන් පලා ගොස් තිබේ. සිද්ධිය වන අවස්ථාවේදී අසල්වාසීන් පවා දැඩි භීතියට පත්ව ඇති අතර ඝාතනයට හේතුව මෙතෙක් අනාවරණය වී නොමැත.දේහය මේ වන විට මුල්ලේරියාව රෝහලේ තැන්පත් කර ඇති අතර, සැකකරුවන් කවුරුන්ද යන්න හඳුනා ගැනීමට බියගම පොලිසිය විශේෂ විමර්ශනයක් ආරම්භ කර ඇත. ප්රදේශයේ ආරක්ෂිත කැමරා දර්ශන පරීක්ෂා කරමින් අපරාධකරුවන් හඹා යාමට පොලිස් කණ්ඩායම් කිහිපයක් යොදවා තිබේ.
බියගමදී තරුණයෙකු කපා කොටා ඝාතනය කෙරේ: ත්රීවීලරයත් ගිනිබත් කරයි
