බුලත්සිංගල, මහගම ශ්රී සුදර්ශණාරාම විහාරස්ථානයේ ඓතිහාසික විහාර මන්දිරය ප්රතිසංස්කරණය කිරීමේ මංගල ශිලා ප්රතිෂ්ඨාපන උත්සවය අද පෙරවරුවේ උත්කර්ෂවත් අන්දමින් පැවැත්විණි. විහාරාධිපති පූජ්ය මහගම ජනානන්ද ස්වාමීන් වහන්සේගේ අනුශාසනා පරිදි සංවිධානය කර තිබූ මෙම පුණ්ය මහෝත්සවය සඳහා ප්රධාන ආරාධිතයා ලෙස වැඩම කරනු ලැබුවේ කළුතර පළාතේ ප්රධාන සංඝනායක ශාස්ත්රපති පූජ්ය හල්වතුරේ අස්සජි නායක හිමිපාණන් වහන්සේය. විහාරස්ථානයේ චිරස්ථිතිය වෙනුවෙන් සිදුකෙරෙන මෙම සංවර්ධන ව්යාපෘතිය හරහා ප්රදේශයේ බැතිමතුන්ගේ දීර්ඝකාලීන ආගමික අවශ්යතාවයක් සපිරෙනු ඇතැයි මෙහිදී අපේක්ෂා කෙරේ.මෙම අවස්ථාව සඳහා දේශපාලන පක්ෂ කිහිපයක නියෝජිතයන් සහ ප්රදේශවාසීන් විශාල පිරිසක් සහභාගී වී සිටීම විශේෂත්වයකි. ඒ අනුව ශ්රී ලංකා පොදුජන පෙරමුණේ ජාතික සංවිධායක නාමල් රාජපක්ෂ මහතා, ජාතික ජන බලවේගයේ නියෝජ්ය අමාත්ය නන්දන පුෂ්පකුමාර මහතා මෙන්ම හිටපු පාර්ලිමේන්තු මන්ත්රීවරුන් වන සංජීව රණසිංහ සහ ලලිත් වර්ණකුමාර යන මහත්වරුන් ඇතුළු පිරිසක් මෙම ආගමික වතාවත්වලට එක්වූහ. පක්ෂ භේදයකින් තොරව ආගමික කටයුත්තක් වෙනුවෙන් මහජන නියෝජිතයන් මෙලෙස එක්වීම ප්රදේශවාසීන්ගේ ඇගයීමට ලක් වූ අතර, විහාර මන්දිරයේ ඉදිරි ඉදිකිරීම් කටයුතු කඩිනමින් අවසන් කිරීමට නියමිතය.
බුලත්සිංගල මහගම ශ්රී සුදර්ශණාරාම විහාර මන්දිර ප්රතිසංස්කරණ කටයුතු ඇරඹෙයි
