ජාත්‍යන්තර සංචාරක ප්‍රකාශකයෙකු වන ‘ලෝන්ලි ප්ලැනට්’ (Lonely Planet) විසින් 2026 වසරේ ලොව සංචාරය කිරීමට හොඳම නගර 25 අතරට යාපනය නම් කර ඇත.මෙම ඇගයීම ශ්‍රී ලංකාවේ සංස්කෘතික හා උරුමයෙන් පොහොසත් ගමනාන්තයක් ලෙස ඇති ජාත්‍යන්තර ආකර්ෂණය නැවත තහවුරු කරමින් රටට ප්‍රධාන සන්ධිස්ථානයක් සනිටුහන් කරයි.ලෝන්ලි ප්ලැනට් විසින් යාපනය තෝරා ගැනීම මඟින් නගරයේ සංස්කෘතික හා ඓතිහාසික වැදගත්කම ඉස්මතු කරන අතර, සංචාරක ව්‍යාපාරයේ ප්‍රාදේශීය විවිධත්වය ප්‍රවර්ධනය කිරීමට ශ්‍රී ලංකාව දරන ප්‍රයත්නයන් ද පිළිබිඹු කරයි.ලෝන්ලි ප්ලැනට් හි Best in Travel 2026 හි ඉතාලි සංස්කරණය ඔක්තෝබර් 22 වන දින මිලාන්හිදී පැවති මාධ්‍ය හමුවකදී එළිදැක්විණි.ශ්‍රී ලංකා සංචාරක ප්‍රවර්ධන කාර්යාංශය නියෝජනය කරමින් මිලාන්හි පිහිටි ශ්‍රී ලංකා මහ කොමසාරිස් කාර්යාලය මෙම අවස්ථාවට සහභාගී වූ අතර, එහිදී උතුරු පළාතේ සාම්ප්‍රදායික ආහාර ප්‍රදර්ශනය කරන ලදී.මෙම වීඩියෝව මගින් ශ්‍රී ලංකාවේ වඩාත්ම අවතක්සේරු කරන ලද ප්‍රදේශයක් ලෙස යාපනය හඳුන්වා දෙමින් එහි සංචාරක ආකර්ෂණය විස්තර කරයි.
යාපනය ලෝකයේ හොඳම නගර 25 අතරට! – ‘ලෝන්ලි ප්ලැනට්’ සංචාරක සඟරාවෙන් ඇගයීමක්
