පසුගිය වසරේ ආරම්භ කළ ‘රටම එකට’ ජාතික මත්ද්රව්ය මර්දන වැඩසටහන යටතේ මේ දක්වා පුද්ගලයින් 77,000කට වැඩි පිරිසක් අත්අඩංගුවට ගෙන ඇති බව පොලිසිය පවසයි. පසුගිය බ්රහස්පතින්දා පමණක් දිවයින පුරා සිදුකළ මෙහෙයුම්වලින් සැකකරුවන් 819 දෙනෙකු අත්අඩංගුවට ගෙන ඇති අතර, එහිදී හෙරොයින්, ‘අයිස්’ සහ ගංජා ඇතුළු මත්ද්රව්ය තොගයක් පොලිස් භාරයට ගෙන තිබේ. පොලිස් සංඛ්යාලේඛනවලට අනුව පසුගිය ඔක්තෝබර් 30 වැනිදා සිට ජනවාරි 22 දක්වා කාලය තුළ වැටලීම් 77,824ක් සිදුකර සැකකරුවන් 77,105 දෙනෙකු කොටු කරගෙන ඇති අතර, පුද්ගලයින් 68 දෙනෙකුට එරෙහිව නීතිවිරෝධී වත්කම් විමර්ශනද ආරම්භ කර ඇත.මෙම මෙහෙයුම් ආරම්භයේ සිට මේ දක්වා හෙරොයින් කිලෝග්රෑම් 320ක්, ‘අයිස්’ කිලෝග්රෑම් 1,280ක් සහ ගංජා කිලෝග්රෑම් 2,341කට අධික ප්රමාණයක් ඇතුළු මත්ද්රව්ය රැසක් සොයාගෙන තිබේ. කෙසේ වෙතත්, මෙම දැවැන්ත අත්අඩංගුවට ගැනීම් හමුවේ ශ්රී ලංකාවේ බන්ධනාගාර පද්ධතිය දැඩි අර්බුදයකට ලක්ව ඇති බව වාර්තා වේ. අධිකරණ සහ ජාතික ඒකාබද්ධතා අමාත්ය හර්ෂණ නානායක්කාර මහතා පාර්ලිමේන්තුවේදී ප්රකාශ කළේ මෙරට බන්ධනාගාර මේ වන විට ඒවායේ ධාරිතාව මෙන් 300%ක මට්ටමකින් ක්රියාත්මක වන බවයි. දැනට බන්ධනාගාරගතව සිටින 38,000කට ආසන්න රැඳවියන් පිරිසෙන් 27,000ක්ම රිමාන්ඩ් බන්ධනාගාරගතව සිටින සැකකරුවන් වන අතර, ඉන් බහුතරයක් මත්ද්රව්ය චෝදනා සම්බන්ධයෙන් රඳවා සිටින පිරිස් වීම විශේෂත්වයකි.
‘රටම එකට’ මත්ද්රව්ය මර්දන මෙහෙයුමෙන් 77,000ක් දැලට
