රථවාහන රාජකාරීවල නිරත පොලිස් නිලධාරීන්ට ලබා දෙන ත්‍යාග මුදල් සියයට 25 කින් වැඩි කර තිබේ. ඒ පසුගිය මස පළමු වැනිදා සිට ක්‍රියාත්මක වන පරිදියි.
ඊට අදාල චක්‍රලේඛනය වැඩබලන පොලිස්පතිවරයා විසින් පසුගිය 01 වැනිදා නිකුත් කර ඇත.
ඒ අනුව ඉකුත් පෙබරවාරි පළවෙනි දින සිට ක්‍රියාත්මක වන පරිදි එම ත්‍යාග මුදල් වැඩි කිරීම සිදු කෙරුණු ඇත.
රථ වාහන රාජකාරිවල නිරතව සිටින නිලධාරීන් දිරිමත් කිරීමත් රථ වාහන වැරදි අවම කිරීමට උපරිමයෙන් කටයුතු කිරීමටත් දිරිගැන්වීමක් වශයෙන් මෙම ත්‍යාගෙ මුදල් ගෙවීම් වැඩි කර ඇති බව පොලිස් මූලස්ථානය කියයි.
ඒ අනුව ක්ෂේත්‍ර රාජකාරියේ නියැලෙන රථ වාහන අංශ ස්ථානාධිපතිවරුන්, ක්ෂේත්‍ර රාජකාරියේ හා කාර්යාලයේ රාජකාරියෙ නියැලෙන පරීක්ෂණ ශ්‍රේණියේ නිලධාරීන්, පොලිස් සැරයන් හා පොලිස් කොස්තාපල් වරුන්, ක්ෂේත්‍ර රාජකාරියේ නියැලෙන පොලිස් කොස්තාපල් රියදුරන් සඳහාද මෙම ත්‍යාග මුදල් වර්ධනය ලබා දෙනු ඇත.
