ශ්රී ලංකාවට පැමිණෙන සංචාරකයින් සංඛ්යාව ඉහළ ගියද, ඉන් ලැබෙන ආදායම පහත වැටීමේ “සංචාරක පරස්පරයක්” නිර්මාණය වී ඇති බවට විපක්ෂ මන්ත්රී හර්ෂ ද සිල්වා මහතා අනතුරු අඟවයි. විදේශිකයන් මෙරටට සංචාරක වීසා මත පැමිණ අනවසරයෙන් කැෆේ, බාර්, සර්ෆින් කඳවුරු සහ සංචාරක සේවා පවත්වාගෙන යාම මීට ප්රධාන හේතුවක් බව ඔහු පෙන්වා දෙයි. මෙමගින් ලැබෙන ආදායම විදේශීය ගෙවීම් ක්රම හරහා මෙරටින් බැහැරට ගලා යන බැවින්, දේශීය ආර්ථිකයට සහ බදු ආදායමට දැඩි බලපෑම් එල්ල වී ඇති බව මන්ත්රීවරයා අවධාරණය කළේය.මීට අමතරව, අඩු පිරිවැය සංචාරකයින් (Budget travellers) අධික ලෙස පැමිණීම හේතුවෙන් ජනප්රිය සංචාරක කලාප දැඩි තදබදයකට ලක්ව ඇති බව ඔහු පවසයි. යාල, සීගිරිය වැනි ස්ථාන පීඩනයට පත්ව ඇති අතර වෙරළ තීරයන් දූෂණය වීම සහ දේශීය ජනතාවට තම ප්රජාවන් තුළ ජීවත් වීමට නොහැකි වන සේ මිල ගණන් ඉහළ යාම බරපතල ගැටලුවක් බව ඔහු සඳහන් කළේය. නවෝත්පාදන සහ ආයෝජන සාදරයෙන් පිළිගන්නා නමුත්, සියලුම ව්යාපාරිකයන් එකම නීති පද්ධතියකට යටත්ව බලපත්ර ලබාගෙන, දේශීය රැකියා උත්පාදනය කරමින් බදු ගෙවිය යුතු බව හර්ෂ ද සිල්වා මහතා අවධාරණය කරයි.සංචාරකයින්ගේ ප්රමාණයට වඩා ගුණාත්මකභාවය කෙරෙහි අවධානය යොමු කරන තිරසාර සංචාරක ප්රතිපත්තියක අවශ්යතාවය පෙන්වා දුන් මන්ත්රීවරයා, රජය වහාම විධිමත් රාමුවක් ක්රියාත්මක නොකළහොත් ජාතික ආදායම මෙන්ම සංචාරක ක්ෂේත්රයේ අනාගතය ද අනතුරේ වැටෙනු ඇති බවට අනතුරු ඇඟවීය.
ලංකාවේ සංචාරක ව්යාපාරය අනතුරේ? හර්ෂ ද සිල්වාගෙන් ‘සංචාරක පරස්පරය’ ගැන අනතුරු ඇඟවීමක්!
