වයස අවුරුදු 15ට අඩු දරුවන්ට සමාජ මාධ්ය භාවිතය තහනම් කිරීම සඳහා නව නීති හඳුන්වා දීමට පෝලන්ත රජය සූදානම් වන බව එරට අධ්යාපන අමාත්ය බාබරා නොවැක්කා (Barbara Nowacka) ප්රකාශ කළාය. බ්ලූම්බර්ග් පුවත් සේවය සමඟ පැවැත්වූ සම්මුඛ සාකච්ඡාවකදී ඇය සඳහන් කළේ, පරිශීලකයන්ගේ වයස තහවුරු කිරීමේ වගකීම අදාළ සමාජ මාධ්ය ජාල වෙත පවරන බවයි. මෙම නීති රීති උල්ලංඝනය කරමින් කුඩා දරුවන්ට ප්රවේශ වීමට ඉඩ සලසන වේදිකාවන්ට දැඩි දඩ මුදල් පැනවීමටද සැලසුම් කර ඇති අතර, මෙම නව නීතිය 2027 මුල් භාගයේදී බලාත්මක වීමට නියමිතය.දරුවන්ගේ සහ තරුණ පරපුරේ මානසික සෞඛ්ය පිරිහීම මෙන්ම ඔවුන්ගේ බුද්ධිමය හැකියාවන් අඩුවීම මෙම තීරණයට ප්රධාන හේතුව වී තිබේ. සමාජ මාධ්ය ඇබ්බැහිය දරුවන්ට හානිකර බව පවසමින් ඩෙන්මාර්කය, ග්රීසිය, ප්රංශය, ස්පාඤ්ඤය සහ බ්රිතාන්යය වැනි රටවල් ද මෙවැනි සීමාවන් පැනවීමට දැනටමත් අවධානය යොමු කර ඇත. මීට පෙර ඕස්ට්රේලියාව ද දරුවන් සඳහා සමාජ මාධ්ය තහනම් කිරීමට පියවර ගත් අතර, පෝලන්තයේ මෙම නව උත්සාහය මෙටා (Meta) සහ එක්ස් (X) වැනි ප්රබල තාක්ෂණික සමාගම් සමඟ මතභේද ඇති කිරීමට ඉඩ ඇති බව ද වාර්තා වේ.
වයස 15ට අඩු දරුවන්ට සමාජ මාධ්ය තහනම් කිරීමට පෝලන්තයෙන් නව නීති
