ලංකා විදුලිබල මණ්ඩලයේ ස්වේච්ඡා විශ්රාම ගැන්වීමේ ක්රමය (VRS) තෝරාගත් සේවකයින් 2,000කට අධික පිරිසක් නියෝජනය කරන එකමුතුවක් විසින් මෑතකදී ක්රියාත්මක වූ සංකේත වැඩවර්ජනය දැඩි ලෙස හෙළා දැක තිබේ. විෂය භාර අමාත්යවරයා වෙත ලිපියක් යොමු කරමින් ඔවුන් පෙන්වා දෙන්නේ මෙම වෘත්තීය සමිති ක්රියාමාර්ගය නීති විරෝධී මෙන්ම දේශපාලනික අරමුණු සහිත එකක් බවයි. ඇතැම් සමිති නායකයින්ගේ තර්ජන මධ්යයේ වුවද, මුළු සේවක පිරිසෙන් සියයට 25කටත් අඩු පිරිසක් පමණක් මීට සහභාගී වීම හේතුවෙන් මෙම වැඩවර්ජනය අසාර්ථක වී ඇති බව එම එකමුතුව පවසයි. විදුලිබල මණ්ඩලයේ ප්රතිසංස්කරණ ක්රියාවලියට බාධා කිරීමට හෝ රජයට එරෙහි දේශපාලන අරමුණු ඉටු කර ගැනීමට දියත් කරන කිසිදු ක්රියාවකට සහභාගී නොවන ලෙස තමන් සියලු VRS අයදුම්කරුවන්ට මීට පෙරද උපදෙස් දී තිබූ බවත්, ඒ අනුව කිසිදු අයදුම්කරුවෙකු මෙම වර්ජනයට එක් නොවූ බවත් එම ප්රකාශයේ සඳහන් වේ.විදුලි සැපයුම යනු අත්යවශ්ය මහජන සේවා පනත යටතේ ජනාධිපති නියෝගයක් මගින් ප්රකාශයට පත් කර ඇති අත්යවශ්ය සේවාවක් බව පෙන්වා දෙන මෙම සේවක එකමුතුව, එවැනි සේවාවක නියුතු සේවකයින් රාජකාරියට වාර්තා නොකිරීම හෝ සේවයට බාධා කිරීම සාපරාධී වරදක් බව අවධාරණය කරයි. අත්යවශ්ය සේවා නීතිය හමුවේ වෘත්තීය සමිති ආරක්ෂාව අහෝසි වන බැවින්, මෙම වර්ජනය මෙහෙයවූ සමිති විධායක නිලධාරීන්ට එරෙහිව අපරාධ නීතිය යටතේ කටයුතු කරන ලෙස ඔවුහු බලධාරීන්ගෙන් ඉල්ලා සිටිති. වෘත්තීය සමිති තර්ජනවලට නොරැවටී විදුලිබල මණ්ඩල ප්රතිසංස්කරණ ක්රියාවලියේ අවසන් අදියර සඳහා අවශ්ය “නියමිත දිනය” (Appointed Date) කඩිනමින් ගැසට් කරන ලෙසත්, එම ක්රියාවලිය ප්රමාද වන්නේ නම් තමන්ට අනුමත වැටුප් රහිත නිවාඩු ලබා දෙන ලෙසත් එම සේවක එකමුතුව අමාත්යවරයාගෙන් වැඩිදුරටත් ඉල්ලා ඇත.
විදුලිබල මණ්ඩලයේ වෘත්තීය සමිති ක්රියාමාර්ගය ස්වේච්ඡාවෙන් විශ්රාම යන්නන්ගේ දැඩි දෝෂාරෝපණයට!
