පැහැදිලි සංක්රාන්ති සැලසුමක් නොමැතිව ලංකා විදුලිබල මණ්ඩලය ප්රතිව්යුහගත කිරීම මඟින් පාලන පද්ධතිය බිඳ වැටී දැඩි අවිනිශ්චිතතාවක් නිර්මාණය විය හැකි බව ශ්රී ලංකා පොදුජන පෙරමුණේ ජාතික සංවිධායක නාමල් රාජපක්ෂ මහතා පවසයි. X පණිවිඩයක් නිකුත් කරමින් ඔහු පෙන්වා දෙන්නේ, මෙරට බලශක්ති ක්ෂේත්රය 70% ක පුනර්ජනනීය බලශක්ති ඉලක්ක කරා යා යුතු වුවද, නිසි උපායමාර්ගයකින් තොරව වසර 56 ක් පැරණි විදුලිබල මණ්ඩලය වෙනුවට රජයට අයත් සමාගම් හයක් පිහිටුවීම අර්ථවත් ප්රතිසංස්කරණයක් නොවන බවයි. විශේෂයෙන්ම මෙම ක්රියාවලිය සම්බන්ධයෙන් ශ්රේෂ්ඨාධිකරණයේ විභාග වන නඩු තීන්දුවක් ලැබෙන තෙක් මෙලෙස කටයුතු කිරීමෙන් 22,000 කට අධික සේවකයින් පිරිසක් අසරණ වන බවත්, වගවීම සහ පාලනය පිළිබඳ බරපතල ගැටලු මතු වන බවත් ඔහු අවධාරණය කරයි.ජාතික ආරක්ෂාව සහ ආර්ථික පුනරුත්ථාපනය සඳහා විදුලි සැපයුම තීරණාත්මක සාධකයක් වන බැවින්, සේවකයින්ගේ සහ පාරිභෝගිකයින්ගේ අයිතීන් සුරැකෙන පරිදි ආයතනය ශක්තිමත් කළ යුතු බව ඔහු වැඩිදුරටත් ප්රකාශ කළේය. ජාතික සම්පතක් ලෙස සැලකෙන විදුලිබල මණ්ඩලය කොටස්වලට බෙදා වෙන් කිරීම මඟින් පරිපාලනමය ව්යාකූලතා ඇති වන බව පෙන්වා දෙන ඒ මහතා, මහජන විශ්වාසය පළුදු කරන “හදිසි අත්හදා බැලීම්” වෙනුවට තිරසාර බව සහ ආරක්ෂාව සුරැකෙන විශ්වසනීය ජාතික බලශක්ති උපායමාර්ගයක අවශ්යතාව මෙහිදී පෙන්වා දී ඇත.
විදුලිබල මණ්ඩලය ප්රතිව්යුහගත කිරීම ගැන නාමල් රාජපක්ෂගෙන් අනතුරු ඇඟවීමක්!
