ලංකා විදුලිබල මණ්ඩලයේ වෘත්තීය සමිති සිය ඉල්ලීම්වලට නිසි ප්රතිචාරයක් නොලැබීම හේතුවෙන් හෙට (පෙබරවාරි 26) සංකේත වැඩ වර්ජනයක් දියත් කිරීමට තීරණය කර තිබේ. ඒ අනුව හෙට මධ්යහ්න 12:00 සිට පස්වරු 6:00 දක්වා මෙම පැය හයක වර්ජනය ක්රියාත්මක වන බව වෘත්තීය සමිති නිවේදනය කළේය. සිය ඉල්ලීම් අටක් සඳහා විසඳුම් නොලැබෙන්නේ නම් සහ විදුලිබල මණ්ඩලය ඈවර කිරීමේ ගැසට් පත්රය ප්රකාශයට පත් කරන්නේ නම්, අපොස සාමාන්ය පෙළ විභාගය අවසන් වූ වහාම වෘත්තීය සමිති ක්රියාමාර්ග ගන්නා බවට ඔවුන් මීට පෙර රජයට අනතුරු ඇඟවීය.සිය ඉල්ලීම්වලට ඇහුම්කන් නොදී නීති විරෝධී ලෙස ප්රතිව්යුහගත කිරීම සඳහා වැරදි තීරණයක් ගන්නේ නම්, අකමැත්තෙන් වුවද ඉදිරි පැය 48 ඇතුළත මෙම දැඩි තීරණය ගැනීමට තමන්ට සිදුවන බව ද ඔවුහු ප්රකාශ කළහ. සේවක ගැටලු සහ බලශක්ති අවශ්යතා නොසලකා හරිමින්, නිසි බලශක්ති ප්රතිපත්තියක් ස්ථාපිත නොකර අත්තනෝමතික ලෙස ගැසට් නිවේදනයක් නිකුත් කළහොත් කිසිදු පූර්ව දැනුම්දීමකින් තොරව වර්ජනයට අවතීර්ණ වන බව වෘත්තීය සමිති වැඩිදුරටත් අවධාරණය කරයි. ලංකා විදුලිබල මණ්ඩලය විසුරුවා හැරීමේ ගැසට් නිවේදනය පෙබරවාරි 28 වැනිදා නිකුත් කරන බව මණ්ඩලයේ සභාපතිවරයා තහවුරු කර ඇති බවට ලැබුණු තොරතුරුත් සමඟ මෙම අනතුරු ඇඟවීම නිකුත් කර තිබේ.
විදුලි බල මණ්ඩලයේ වැඩ වර්ජනයක් හෙට: පැය 6ක සංකේත වර්ජනයක් ප්රකාශයට පත් වෙයි!
