ඉන්දීය අග්‍රාමාත්‍ය නරේන්ද්‍ර මෝදි මහතා ප්‍රකාශ කළේ, මෙම ආපදා අවස්ථාවේදී ශ්‍රී ලංකාවට උපකාර කිරීමට ඉන්දියාව සූදානම් බවයි. “දිට්වා සුළි කුණාටුව හේතුවෙන් තම ආදරණීයන් අහිමි වූ ශ්‍රී ලංකාවේ ජනතාවට මගේ හදපිරි ශෝකය පිරිනමමි. පීඩාවට පත් සියලුම පවුල්වල ආරක්ෂාව, සුවපහසුව සහ කඩිනම් සුවය ප්‍රාර්ථනා කරමි,” යනුවෙන් ඔහු X (ට්විටර්) පණිවුඩයක් නිකුත් කරමින් සඳහන් කළේය. “අපගේ සමීපතම සමුද්‍ර අසල්වැසියාට සහයෝගීව, ඉන්දියාව ‘සාගර් බන්දු මෙහෙයුම’ (Operation Sagar Bandhu) යටතේ හදිසි ආධාර ද්‍රව්‍ය සහ අත්‍යවශ්‍ය HADR (මානුෂීය ආධාර සහ ආපදා සහන) සහයෝගය යවා ඇත. තත්ත්වය තවදුරටත් වර්ධනය වන විට, වැඩිදුර ආධාර සහ සහයෝගය ලබා දීමට අපි සූදානම්ව සිටිමු. ඉන්දියාවේ ‘අසල්වැසියාට ප්‍රමුඛත්වය’ (Neighbourhood First) ප්‍රතිපත්තිය සහ ‘මහාසාගර් දැක්ම’ (Vision MAHASAGAR) මගින් මඟ පෙන්වනු ලබන ඉන්දියාව, අවශ්‍ය මොහොතේදී ශ්‍රී ලංකාව සමඟ ස්ථිරව සිටී,” යැයි ද ඔහු වැඩිදුරටත් ප්‍රකාශ කර ඇත.
විපතට පත් ශ්‍රී ලංකාවට උදව් කිරීමට ඉන්දියාව සූදානම් බව අගමැති මෝදි කියයි!
