රජයේ වෛද්ය නිලධාරීන්ගේ සංගමය (GMOA) විසින් ආරම්භ කරන ලද වෘත්තීය සමිති ක්රියාමාර්ගය අද දෙවන දිනටත් ක්රියාත්මක වූ අතර, මේ හේතුවෙන් රෝහල් කිහිපයක ප්රතිකාර කටයුතුවලට බාධා එල්ල විය. සෞඛ්ය අමාත්ය වෛද්ය නලින්ද ජයතිස්ස මහතා අවධාරණය කර සිටින්නේ වර්ජනයේ නිරත වෛද්යවරුන් සිය ක්රියාමාර්ගය අතහැර පැමිණෙන්නේ නම්, ඔවුන් සමඟ පවතින ගැටලු සාකච්ඡා කිරීමට තමන් ඕනෑම අවස්ථාවක සූදානම් බවයි.මෙම අර්බුදයට මූලික හේතුව වී ඇත්තේ පශ්චාත් සීමාවාසික පත්වීම් ලබාදීමේදී ඇති කරගත් එකඟතාවන් සෞඛ්ය අමාත්යාංශය විසින් උල්ලංඝනය කළ බවට වෛද්යවරුන් නගන චෝදනාවයි. වර්ජනය හේතුවෙන් හොරණ ඇතුළු රෝහල් කිහිපයක රෝගීන් දැඩි අපහසුතාවට පත්ව සිටියද, බොහෝ රෝහල්වල කටයුතු සාමාන්ය පරිදි සිදු වූ බව වාර්තා වේ. විශේෂයෙන්ම විශේෂඥ වෛද්යවරුන්ගේ සංගමය මෙම වර්ජනයට සහය නොදක්වන බව නිල වශයෙන් නිවේදනය කර ඇත.මේ අතර, පශ්චාත් සීමාවාසික පත්වීම් ක්රියාවලිය සම්බන්ධයෙන් සීමාවාසික පුහුණුව නිම කළ වෛද්යවරුන් දෙදෙනෙකු ඉදිරිපත් කළ පෙත්සම් අද අභියාචනාධිකරණය හමුවේ සලකා ගැනිණි. අදාළ පෙත්සම් විභාගයට ගන්නේද නැද්ද යන්න පිළිබඳ තීරණය ලබන මැයි මස 08 වනදා ප්රකාශයට පත් කරන බව අධිකරණය මෙහිදී නියෝග කළේය.රජයේ වෛද්ය නිලධාරීන්ගේ සංගමය පවසා සිටින්නේ තම මධ්යම කාරක සභාව හදිසියේ රැස්වී වර්ජනයේ ඉදිරි ක්රියාමාර්ග පිළිබඳව අවසන් තීරණයක් ගන්නා බවයි. කෙසේ වෙතත්, රෝගී ජීවිත අවදානමට ලක් නොකර සාකච්ඡා මාර්ගයෙන් විසඳුම් සෙවීමට රජය දක්වන කැමැත්ත විෂයභාර අමාත්යවරයා නැවතත් තහවුරු කර තිබේ.
සාකච්ඡා සඳහා වර්ජනය අතහැර එන්නැයි සෞඛ්ය ඇමතිගෙන් ඇරයුම්
