කොළඹ SSC පිටියේදී අති උත්කර්ෂවත් අන්දමින් පැවැති 92 වැනි “සාන්තුවරයන්ගේ සටන” වාර්ෂික මහා ක්රිකට් තරගය අද (21) නිමාව දුටුවේ දෙපිලටම සම අවස්ථාවන් උදා කරමිනි. සිය ප්රථම ඉනිම වෙනුවෙන් කඩුලු 8කට ලකුණු 352ක් ලබා සිටියදී ඉනිම අත්හිටුවීමට ශාන්ත ජෝෂප් විද්යාලය තීරණය කළ අතර, ඊට පිළිතුරු ලෙස ශාන්ත පීතර ක්රීඩකයෝ සියලු දෙනා දැවී ලකුණු 257ක් රැස් කළහ. තරගයේ උණුසුම වැඩිකරමින් ශාන්ත ජෝෂප් පිල සිය දෙවැනි ඉනිම ලකුණු 190කට (කඩුලු 3ක් දැවී තිබියදී) අත්හිටුවා පීතර විද්යාලයට ජයග්රාහී ඉලක්කයක් ලබා දීමට කටයුතු කළේය.තරගයේ අවසන් හෝරාවන් අතිශය තීරණාත්මක වූ අතර, පීතර විද්යාලය ජයග්රාහී හඹා යෑමක නිරත වෙද්දී ඔවුන්ගේ කඩුලු 9ක්ම බිඳ වැටීම නිසා ප්රේක්ෂකයින් අතර දැඩි කුතුහලයක් නිර්මාණය විය. තෙවැනි සහ අවසන් දිනය සඳහා ක්රීඩාව නතර කරන විට පීතර විද්යාලය ලකුණු 215ක් ලබා සිටි අතර, ඒ අනුව දෙවිද්යාලයීය ගෞරවය රැකගනිමින් මෙවර තරගය ජය පරාජයකින් තොරව අවසන් විය. දක්ෂ පිතිකරණය සහ පන්දු යැවීම හමුවේ මෙම ඓතිහාසික තරගය ක්රිකට් ලෝලීන්ට නැවුම් අත්දැකීමක් එක් කිරීමට සමත් විය.
සාන්තුවරයන්ගේ සටන තියුණු මුහුණුවරකින් පසු ජය පරාජයෙන් තොරව නිමාවට!
