අද පස්වරු 2.00 න් පමණ පසුව දිවයිනේ ප්රදේශ කිහිපයකට වැසි අපේක්ෂා කරන බව කාලගුණ විද්යා දෙපාර්තමේන්තුව පවසයි. උතුරු-මැද සහ නැගෙනහිර පළාත්වල වැසි ස්වල්පයක් ඇති විය හැකි අතර, සබරගමුව පළාතේත් ගාල්ල සහ මාතර දිස්ත්රික්කවලත් ස්ථාන කිහිපයක පස්වරු 2.00 න් පසු වැසි හෝ ගිගුරුම් සහිත වැසි ඇති විය හැක. මධ්යම කඳුකරයේ නැගෙනහිර බෑවුම් ප්රදේශවල මෙන්ම උතුරු, උතුරු-මැද, වයඹ, නැගෙනහිර සහ ඌව පළාත්වලත්, හම්බන්තොට දිස්ත්රික්කයේත් විටින් විට පැයට කිලෝමීටර් 30-40 ක පමණ තද සුළං බලාපොරොත්තු විය හැක. බස්නාහිර, සබරගමුව, මධ්යම පළාත්වලත් ගාල්ල සහ මාතර දිස්ත්රික්කවලත් උදෑසන කාලයේදී මීදුම් සහිත තත්ත්වයක් පවතිනු ඇත.මේ අතර, දිවයින වටා වන මුහුදු ප්රදේශවල ප්රධාන වශයෙන් සාමාන්ය කාලගුණ තත්ත්වයක් පවතින බව සඳහන් වේ. මුහුදු ප්රදේශවල සුළං ඊසාන දෙසින් හමා එන අතර එහි වේගය පැයට කිලෝමීටර් 30-40 ක් පමණ වේ. මීගමුවේ සිට පුත්තලම හරහා මන්නාරම දක්වා සහ මාතර සිට හම්බන්තොට හරහා පොතුවිල් දක්වා වන මුහුදු ප්රදේශවල සුළගේ වේගය විටින් විට පැයට කිලෝමීටර් 50 දක්වා වැඩි විය හැකි බැවින් එම මුහුදු ප්රදේශ විටින් විට රළු විය හැක. දිවයින වටා වන සෙසු මුහුදු ප්රදේශ මධ්යස්ථ ස්වභාවයක් ගනු ඇත.
අද දිවයිනේ ප්රදේශ කිහිපයකට වැසි: මුහුද රළු විය හැකියි
