ලංකා ඛනිජ තෙල් නීතිගත සංස්ථාව (CPC) විසින් ඊයේ මධ්යම රාත්රියේ සිට ඉන්ධන මිල ඉහළ දැමීමට සමගාමීව, සිනොපෙක් (Sinopec) සමාගම ද අද (22) මධ්යම රාත්රියේ සිට ක්රියාත්මක වන පරිදි සිය මිල ගණන් සංශෝධනය කර තිබේ. මෙම නව මිල සංශෝධනය යටතේ සිනොපෙක් සමාගමේ ඔක්ටේන් 95 පෙට්රල් සහ සුපර් ඩීසල් මිල ගණන් ඛනිජ තෙල් සංස්ථාවේ මිලට වඩා වැඩි අගයක් ගන්නා බව එම සමාගම නිවේදනය කරයි. සෙසු ඉන්ධන වර්ග සඳහා වන මිල ගණන් ඛනිජ තෙල් සංස්ථාවේ පවතින මිලට සමානව පවතිනු ඇත.විශේෂයෙන්ම ඔක්ටේන් 95 පෙට්රල් ලීටරයක මිල රුපියල් 122කින් ඉහළ දමා ඇති අතර, ඒ අනුව එහි නව මිල රුපියල් 487ක් ලෙස සටහන් වේ. සුපර් ඩීසල් මිල ද CPC මිල ඉක්මවා ඉහළ නංවා ඇති අතර, පවතින ආර්ථික තත්ත්වයන් මත මෙම මිල ඉහළ දැමීම සිදු කළ බව සමාගම වැඩිදුරටත් සඳහන් කරයි. මෙම හදිසි මිල සංශෝධනයත් සමඟ පාරිභෝගිකයන් හට අද මධ්යම රාත්රියේ සිට නව මිල ගණන් යටතේ ඉන්ධන ලබා ගැනීමට සිදු වනු ඇත.
අද මධ්යම රාත්රියේ සිට සිනොපෙක් ඉන්ධන මිලත් ඉහළට
