අධ්යාපන ප්රතිසංස්කරණ සම්බන්ධයෙන් ජනාධිපති අනුර කුමාර දිසානායක මහතා සහ රජය අසත්ය ප්රචාර පතුරුවමින් ජනතාව නොමඟ යවන බවට විපක්ෂ නායක සජිත් ප්රේමදාස මහතා දැඩි චෝදනාවක් එල්ල කරයි. ‘X’ සමාජ මාධ්ය ගිණුම ඔස්සේ අදහස් දක්වමින් ඔහු පවසා සිටියේ, රජයේ අදූරදර්ශී ප්රතිපත්ති සහ නොහැකියාව හේතුවෙන් 6 වසරේ අධ්යාපන ප්රතිසංස්කරණ හදිසියේ නතර වී ඇති බවත්, දැන් රජය එම වැරැද්ද නිදහස් අධ්යාපනය වෙනුවෙන් පෙනී සිටින පාර්ශ්වයන් මත පැටවීමට උත්සාහ කරන බවත්ය. “සැමදා සියලු දෙනා රැවටිය නොහැකි බව අනුර කුමාර දිසානායක මහතා වටහා ගත යුතුයි” යනුවෙන් විපක්ෂ නායකවරයා මෙහිදී අවධාරණය කළේය.මෙම වාග් සංග්රාමය ආරම්භ වූයේ රජයේ අධ්යාපන ප්රතිසංස්කරණ පිළිබඳව සජිත් ප්රේමදාස මහතා මීට පෙර සිදුකළ ප්රකාශයකට ජනාධිපතිවරයා පිළිතුරු ලබා දීමත් සමඟය. මීට පෙර එම ප්රතිසංස්කරණවලට විරෝධය දැක්වූ විපක්ෂ නායකවරයා පසුව ප්රකාශ කර තිබුණේ, එම වැඩපිළිවෙළට සහය දීමට විපක්ෂය සූදානම් බවයි. එහෙත් 6 වසරේ ප්රතිසංස්කරණ හඳුන්වා දීමට අපොහොසත් වීමෙන් දරුවන් රැසක් අගතියට පත්ව ඇති බවත්, එහි වගකීම විපක්ෂය නොව වත්මන් රජය සහ ජනාධිපතිවරයා භාරගත යුතු බවත් ඔහු පෙන්වා දුන්නේය.කෙසේ වෙතත්, විපක්ෂ නායකවරයාගේ මෙම ස්ථාවරය වෙනස් කිරීම සම්බන්ධයෙන් ජනාධිපති අනුර කුමාර දිසානායක මහතා දැඩි විවේචනයක් එල්ල කළේය. මෙම ප්රතිසංස්කරණවලට දැඩි ලෙස විරුද්ධ වූ පුද්ගලයෙකුම දැන් ඒවා නතර කළේ ඇයිදැයි ප්රශ්න කරන බව පවසමින් ජනාධිපතිවරයා සජිත් ප්රේමදාස මහතා ඉලක්ක කර ගනිමින් සිය ප්රතිචාරය දක්වා තිබුණි.
අධ්යාපන ප්රතිසංස්කරණ ගැටුම උණුසුම් වෙයි: “සැමදා ජනතාව රැවටිය නොහැකි බව” සජිත්ගෙන් ජනපතිට අනතුරු ඇඟවීමක්!
